• كم الوقت اللي تصمم فيه؟
لو تبغى تزيد من سرعتك في التصميم هذا الثريد بيفيدك ?
(اهم النقاط والطرق اللي بتساعدك تصمم بشكل اسرع ⏳⚡)
يلا نبدأ ?
•النقطة الأولى : الاسكتشات او التصوّر ✏️
لما تبدأ اي تصميم لا تدخل البرنامج على طول وتقعد تجرب لانك غالبا بتضيع وقت كبير وانت تحاول
خلي عندك تصوّر عن التصميم قبل ما تبدأ..
جرب ترسمه على ورقة رسم بسيط عشان يكون عندك فكرة عن العناصر اللي بتحتاجها
والخطوات اللي بتتبعها ???
• النقطة الثانية : جمع وترتيب المهام
عبارة عن استراتجية استخدمها من فترة وتفرق معاي بشكل كبير،،
خليني اشرحها باختصار ??
لو عندك مثلا اليوم 4 تصاميم سوشيال ميديا وكنت تسوي التصميم الواحد من 3 خطوات
-الرسم التصوري
-تجميع الموارد
-التنفيذ على البرامج
فـ لا تسوي كل تصميم لحاله.. يعني لا تروح ترسم التصميم الاول بعدين تدور على الصور المناسبة بعدين تنفذه بعدين تنتقل للتصميم الثاني ❌
ليش؟
لأنك في البداية بتكون بكامل نشاطك وبتستنفذه كله على تصميم واحد والثاني بتكون طاقتك قلت تدريجيا وافكارك بتضعف ??♂️
طيب ايش اسوي؟
((اجمع المهام المتشابهة ونفذها مع بعض))
