منذ حوالي شهور قليلة مضت .. كنت مقيماً في البصيرة (مناطق قسد) نازح في شرق الفرات منذ اواخر العام 2017 ، كنت برات البيت ورجعت ولقيت عجوز جارتنا تأشر من بعيد .. !!

شنو خالتي شنو بي ؟

قالت انهزم يابا جو يريدونك ؟ (جماعة مخابرات قسد) ..

طبعا اني كنت مستأجر بيت بالبصيرة من سنة

<

المهم دريت انو بي حدا بلغ عني، لان كان في حملة امنية ،وفي جماعه جيرانا شاكين بيا ..

قلت للخاله كلشي اغراض ليا خذيهن عليكم .. تانشوف شلون .. وسلمت ورحت مستعجل .. وشردت ..

امشي بين الزروع اريد ابعد بس عن المنطقه .. اخاف يكمشوني .. لانو كانوا يحومون بالحارة ع موطورات ..

<<

المهم واني امشي والجو بارد وشتا كان .. والوقت قريب للمغرب وماني شايل الا موبايلي معاي .. ومتلثم بــ ݘراويه (شماغ اسود) ..

لمحت سيارة لقسد جاية من بعيد علي ، كنت بنص زروع ومنطقه خليه مابها بيوت ..

قمت فتت بزرع (حنطة) وانبطحت .. بيه ومن زين حظي كان الزرع مسقي .. !

<<

وغطست بمي ووحل ، والجو بوز .. برد ..

اثاري صاحب الگاع (الارض) ساقيه ورايح .. واني ݘطيت بيه ..

والحمدلله موبايلي كنت شايلو بيدي وما وصله مي .. بس كان بي بجيبي اخراج قيد ليا امشي بيه ومعاه 2000 ليرة (كل ثروتي) ..

راحن بالمي وتنقعن ..

المهم راحت السيارة ..الگشره ..

<

وقمت واني مشرشح واشرشر مي وارجف .. والجو بوز وهوا بارد .. ولابس جاكيت مو فلت .. مغطس بوحل .. صرت كأني غريري ..

قمت لقيت شجرة بطرف الگاع قعدت تحتها .. و

فتحت موبايلي ردت اشوف بي نت هين ؟

شريحتي MTN وكانت تغطية كويسه عالفرات .. مدري ليش .. عند المي تقوى دوما ..

<<