السؤال اللولبي الي دايمًا بلاقيه في الانبوكس، كيف بدي أطور مهارة الكتابة التسويقية عندي؟

• مش راح أقلك النصائح التقليدية اقرأ وابحث كتير واكتب دايمًا، راح أحكيلك 5 طرق أنا بستخدمهم عشان أطور كتابتي ?

تابع الثريد ??

#تسويق

#يومياتكاتبمحتوى

@Mkt_Art https://t.co/ZiZsGJRuyl

الطريقة الأولى: التغذية البصرية

بمعنى أنا ككاتب محتوى لمنشورات السوشيال ميديا، ما بمر مرور الكرام على أي منشور متل الناس العادية.. بل بوقف عند كل كلمة في أغلب المنشورات وبصير أحلل في المنشور! شو هدفه؟ وين الإبداع فيه! طيب لو حط هادي بدل هادي.

طيب شو بفرق محتوى التصميم عن محتوى النص.. طبعًا لو فيه فكرة حلوة بطلع الجوال وبسجل الفكرة حتى أسقطها على كتاباتي..

الطريقة الثانية: الإسقاط

بمعنى أنا بشتغل كاتب محتوى في مجال (س)، بروح بعمل بحث على صفحات السوشيال لشركات في مجال (ص) وبصير أشوف الأفكار وأنواع الكتابة وبصير أفكر كيف ممكن أسقط هادي الأفكار وأغير فيها حتى تناسب المحتوى الي بكتبه.

الطريقة الثالثة: استخدام موقع feedly

طبعًا حكيت عن هذا الموقع في الثريد السابق، لكن فكرتي هان إني بجمع كل المواقع الي بتحكي في المجال الي بكتب فيه، وبصير دايما على إطلاع دائم فيما يكتب، وطبعًا هذا بعطيني استلهام للأفكار الي ممكن أكتب فيها.