حبيت اشاركم مقال غريب شويه لكن فكرته عجباني جدا وخاصه اني بحب الالماس....

من 10 سنين، رجل أعمال سويسري اسمه (رينالدو ويلي)، فكر في فكرة مجنونة ومستحيل عقل بشري يصدقها، والفكرة كانت عبارة عن تحويل جثث الموتى لماس، وكان عنده أفكار واقعية جدًا وقدر يحطها قيد التنفيذ.

وبالفعل قدر يجمع في 10 سنين قاعدة عملاء ضخمة جدًا من حوالي 24 دولة، الناس دي كلها عاوزة تتحول ماس لما تموت، أو إن جثث قرايبها تتحول لماس.

وبالفعل، (ويلي) قدر يعمل الشركة وسماها "Algordaza"، وبالتقدم التكنولوجي اللي وصل له قدر يحول الجثث فعلًا لماس، ونجحت الفكرة المرعبة دي!

عملاء الشركة كانوا بيزيدوا 900 عميل كل شهر، وكل شخص بيقدم جثة لقريبه بعد 3 شهور بيستلمه مجموعة من الماس، وممكن يعمل من الماس دا خاتم أو سلسلة ويحتفظ بيهم، أو يحطه في صندوق مجوهرات في البيت ومنها يتم تخليد ذكرى الميت.

العملية بتتم عن طريق حرق الجثة وتحويلها لرماد، وبعدين وضع الرماد تحت ضغط عالي وبيتحفظ في مواد عازلة تشبه مكونات باطن الأرض، وبعدين بيتحول الرماد لكربون، ومنها لماس.

معظم الجثث بتتحول لماس لونه أزرق، ودا ممكن يكون بسبب الكميات القليلة من "البورون" اللي موجودة في جسم الإنسان

ودا عنصر له دور في تكوين العظام!

وأحيانًا بتتحول الجثة لماس لونه أصفر أو أبيض أو قريب من الأسود، و(ويلي) مش فاهم إيه سبب اختلاف اللون، ولكنه بيقول إن كل جثة بتتحول لماسة مميزة عن التانية.

معظم الطلبات اللي بتروح للشركة بتكون من ناس قرايبهم ماتوا من فترة قليلة