ثريد النهاردة طويل شوية وبعتذر مقدمًا وده علشان هنحكي ثلاث أساطير بيربطهم ببعض عناصر كتير، أول وأهم عنصر فيهم، اللي كاسفنا في الأساطير الإغريقية والأساطير المجاورة، كبير الآلهة زيوس Zeus.. https://t.co/YEqWO06YUF

الأسطورة الأولى بتحكي إن في يوم من الأيام الأميرة الإسبرطية بارعة الجمال ليدا Leda راحت تستحمى، وهي بتستحمى شافت بجعة جميلة جدًا بتهرب من أحد الطيور الجارحة وراحت البجعة دي مرمية في حضن ليدا ومارست الجنس معاها. https://t.co/vSc9IXAr7F

الأعجب بقى من إن بجعة تمارس الجنس مع إنسانة هو إن الروايات اختلفت في الحتة دي تحديدًا.. اللي يقول البجعة اغتصبتها، واللي يقول البجعة أغوتها، واللي يقول مارست الجنس مع البجعة برضاها. ما علينا، المهم إن البجعة زي ما احنا عارفين هي زيوس اللي تنكر بالشكل ده لأن عينه كانت من ليدا.

الأسطورة التانية بتحكى إن في يوم من الأيام الأميرة الفينيقية بارعة الجمال أوروبا Europa راحت برضه تستحمى، وهي بتستحمى وبتلعب في الحديقة وبتلم الأزهار مع وصيفاتها – والهبل اللي بيعملوه في الأساطير ده – شافت ثور أبيض جميل جدًا. https://t.co/QtxQEdNlK9

هي وصاحبتها اقتربوا بحذر من الثور وقعدوا يلعبوا معاه لحد ما ليدا قررت إنها تجرب، لا مؤاخذة، تركبه. أول ما ليدا ركبت الثور خطفها وجري بيها على جزيرة كريت وعمل عملته السودا هناك. أوروبا فضلت عايشة كعشيقة لزيوس على الجزيرة لفترة وخلفت منه أولاد كمان.