انتهى عصر ابتزاز الأهلي وخسارته للبطولات بحجة الوطنية أو المبادئ من اي فرد خارج منظومته .. الأهلي الخاسر الوحيد من التضحية بلاعبيه عشان المنتخبات .. وغيرنا مبيعملش ده .. وانا مش مطالب اخسر بطولات طول عمري عشان تقول عليا وطني .. انا في التعامل معاك هبقى على نفس المسطرة .. اسير حاجة دي بتاعتي مش بتاعتك
سنة 2004 الأهلي كان بيواجه غزل المحلة في المحلة في كأس مصر .. كان في حاجة وقتها اسمها بطولة إفريقيا العسكرية لكرة القدم .. تخيل أن الأهلي خسر بضربات الترجيح وخرج من كأس مصر عشان لعيبة الأهلي الأساسية وأهمهم وائل جمعة وعماد النحاس وأبو تريكة كانوا في المنتخب العسكري ده
السنة اللي قبلها وفي كأس مصر برضه .. قرر الاتحاد أن كأس مصر برضه هيتلعب بدون لاعبين المنتخب .. لعب الأهلي مشوار البطولة كلها بدون الدوليين خسر الأهلي نهائي الكأس أمام المقاولين في المباراة الشهيرة اللي اتصال فيها امير عبد الحميد ولعب شادي محمد حارس مرمى محدش بيفتكر أن الأهلي يومها كان بيلعب بدون اللاعبين الدوليين
سنة 2009 الأهلي كان بيلعب في ملحق الكونفدرالية .. منتخب مصر كان عنده ماتش ودي مع عمان .. المنتخب ساعتها خد من الأهلي سيد معوض - ومحمد أبوتريكة - ووائل جمعة .. خسر الأهلي في أنجولا بركلات الترجيح وودع البطولة
سنة 2022 الأهلي رايح يلعب كأس العالم للأندية والمنتخب بيلعب كأس الأمم الأفريقية .. المنتخب مرضيش حتى اللعيبة تطلع مباشرة على الامارات عشان تلعب كأس العالم للأندية وصمم يرجعوا مصر الاول
سنة 88 الأهلي بيلعب مع الزمالك ماتش حاسم للدوري .. اتحاد الكورة قرر يلعب بدون الدوليين عشان بطولة ودية .. الأهلي غاب عنه احمد شوبير - ابراهيم حسن - حمادة صدقي - علاء ميهوب - طاهر ابو زيد - حسام حسن - ايمن شوقي .. كسب الزمالك الدوري ده
سنة 84 نفس القصة وبيغيب عن الأهلي محمود الخطيب ومصطفى عبده وطاهر ابو زيد ومجدي عبد الغني .. الزمالك بيكسب الدوري برضه ودول الدوريين الوحيدين للزمالك في التمانينات كسبهم بقرار اتحاد الكورة لعب اهم مباراة في الموسم بدون الدوليين
على الجانب الآخر اول معسكر لفيتوريا حازم امام خرج اللعيبة للزمالك عشان ماتش تمهيدي في البطولة الأفريقية .. سنة 2014 برضه شوقي غريب كان بيدرب المنتخب وميدو اللي كان بيدرب الزمالك ويستثني لاعبي الزمالك من معسكر المنتخب برضه في النمسا عشان دور ال 32 من الكونفدرالية .. واللي حكاه حمادة عبد اللطيف وطارق يحيى عن أن مدربين الزمالك كانوا بيخلوهم يسيروا معسكر المنتخب عشان يعلبوا مع الزمالك البطولات المحلية ويكسبوها وهو ما حدث في 84 و 88
