بالنسبة لمشروع تجديد مشهد السيدة نفيسة أحب أوضح ليه معظمنا مصدوم من النتيجة.
الأول مهم نعرف أن السيدة نفيسة حفيدة الحسن حفيد النبي عليه الصلاة والسلام هي الوحيدة اللي احنا متأكدين انها مدفونة في مقامها في القاهرة بعد ما جت مصر وعاشت فيها لحد وفاتها سنة 208 ه/ 824م. https://t.co/VOPKISbC8w
ولما ماتت اتدفنت في منزلها وهو موضع قبرها بعد ما أصر المصريين انها تفضل معاهم وما تدفنش في البقيع في المدينة.
المصريين حبوها جدا وبيحبوها ليومنا هذا. تلقت العلم في المدينة وكانت سيدة صالحة زاهدة تحفظ القرآن وتفسيره. لم ينقطع عنها المصلين بدليل خروج معظم جنازاتنا من عندها. https://t.co/LDGnW79mlv
وعلى مدار العصور اهتم حكام مصر بمقامها فجدده الخليفة الفاطمي المستنصر بالله والسلطان المملوكي المنصور قلاوون اللي أمر بإضافة مسجد للضريح كان الخلفاء العباسيين في عصر المماليك مشرفين على الضريح.
وبالتالي نحن أمام واحدة من أهم سيدات آل البيت ومقام عدى عليه أكثر من ألف سنة.
سنة ١٨٩٢ حصل حريق وتم إعادة بناء الجامع والضريح بأمر من الخديوى عباس حلمي الثانى وهو ده المسجد اللي احنا عارفينه اللي عمارته مستوحاة من عمارة المماليك.
واحنا بنعتبر عصر الخديوي من ازهي عصور العمارة الإسلامية حيث تم ترميم عدد كبير من المساجد التاريخية وفي عصره اكتمل مسجد الرفاعي https://t.co/26bpg9UH1w
الشكل العام في المقام كان هادئ كنت بتوصله من ممر وبعدين تلاقي باب فضي يفتح على القبة اللي كان فيها كتابات بسيطة وقليلة وزخارف أنيقة وكان بيتم استخدام الاضاءة الخضراء الخافته اللي بترمز للنبي عليه الصلاة والسلام وقبته الخضراء في المدينة. https://t.co/lDt0OV9Pzf
