بما انكم بتحكوا عن الطب في الأردن بدي احكيلكم قصة أختي (قصة صارت من ثلاث سنوات)
اختي كانت صبية عادية عمرها 28 سنة ست بيت وعندها 3 أطفال أكبرهم كان صف أول
بلشت قصتها لما بلشت تحس أوجاع وحكة بالصدر نهاية أضلاع القفص الصدري وضلت هالأوجاع لحد ما وصلت مرحلة ما بتقدر تنام بشكل مستقيم https://t.co/uRt3RGSAYj
زاد وجعها وكل دكاترة التسليك تبعون ادفع كشفية وخذ هاي مضاد حيوي ما قدروا يفيدوها وبلشنا رحلة العلاج
بلشنا نراجع مستشفى الأردن لأنه عارفين بالحكومة مافي طب ولا ما يحزنون
بعد الصور والتحاليل وآراء الإستشاريين
قرروا انه معها التهاب "مجهول السبب" بأضلاع القفص الصدري وبلشنا أول عملية https://t.co/WeKUYTH9ds
عملت عملية رقم 1 لتقييم وتنظيف وكشط الإلتهاب وأخذ عينات لقسم الأنسجة
قعدت أسبوع بالمستشفى بدون أي تحسن وحتى ما اعطوها أي ادوية غير مضادات حيوية ما كانت بتعمل اشي الا انها بتعقد ال Immune system عندها
طلعت من المستشفى بجرح مفتوح قريب من القلب وبطلع مِدة وقيح وعملّ https://t.co/yt6CsqcUj7
طلعت نتيجة الباثو بعد اسبوعين وكالعادة مافيها اشي ??♂️
ما اقتنعنا..رحت عمستشفى الأردن بنفسي وعملت معهم طوشة وجبت واسطة وأخذت العينات خاوة ووديتهم عالحسين للسرطان وقعدوا كمان اسبوع
وطلعت النتيجة انه مافي أي أورام أو أي اشي مش طبيعي
البنت هون كانت عم تخلص ومافي اشي معيشها غير
المسكنات والمخدرات اللي الله أعلم كيف كنا نجيبهم
اتدخلت خالتي (ممرضة رئيسة اسعاف وطوارئ بأحد المستشفيات الحكومية) وعرضتها عدكاترة زملائها وبتمون عليهم بدون مواعيد وبدون كل الإجراءات العادية اللي بمرّ فيها أي مواطن عادي ما عنده واسطة
الدكاترة لإنه جايين بواسطة خالتي ولأول مرة
