مما بدأ موضوع كورونا وأنا شايفة إنه الموضوع ده فيه إنّ لسبب بسيط جداً، كمية الهلع الواضح إنه مقصود بثها في الناس من خلال الإعلام والمنظمات ووسائل التواصل. أنا بعرف أفرق كويس جداً بين الزول العايزك تحذر من شر أو ضرر ما وبين الزول العايزك تخاف والكان واضح بالنسبة لي إنه مطلوب بشدة

إنه الناس تخاف، تهلع. القاعدة بتقول أي زول بيحاول يخوفك هو بيحاول يسيطر عليك وعلى تفكيرك، عايز يخليك تلغي مخك وتطيعه عمياني، وده الحصل طبعاً لأغلب الناس إنهم مش بس ماشين عمياني كمان بيأمروا غيرهم البيحاولوا يفكروا إنه يطيعوا عمياني وبيشيطنوهم ويتهموهم بالأنانية لو حاولوا حتى

يسألوا أو يفكروا. في الأول الموضوع ما كان واضح بالنسبة لي في شنو؟ ليه عايزين الناس تخاف؟ عارفة إنه في حاجة غلط لكن ما قادرة أخت يدي عليها، فبديت أفتش وأبحث في الموضوع. طبعاً د. صلاح كان من سنين بيهيئنا لإنه في تغييرات كبيرة حتحصل في العالم وقبل سنة قال لينا شوفوا

فيديوهات ديفيد آيك فيها تفاصيل لكن أنا بصراحة ما اهتميت أشوفه كنت مشغولة بحاجات تانية الوقت داك. المهم بديت أشوف كمية من الفيديوهات الفترة الفاتت لناس عندهم نفس الشك وناس متأكدين إنه في كذبة ما وناس بيحاولوا يفكروا أو يربطوا الأحداث، والحقيقة كل الشفته كان مفيد بالنسبة لي وبيوضح

الصورة شوية شوية لكن في نفس الوقت كان زي قطع البازل، عندي قطع كتيرة لكن محتاجة أرتبها عشان تظهر لي الصورة كاملة. لغاية ما شفت اللقاء بتاع ديفيد آيك، هنا قدرت أشوف الصورة مرتبة. مبدئياً كده أنا أكتر زول بيسأل وبيحقق وبيبحث في أي معلومة أتلقاها ومستحيل آخد أي كلام على أساس إنه مسلم