في عام 2013/2014 دخلت كلية الهندسة وما وُفقت وطلعت منها ودخلت كلية الصيدلة وأمس الاربعاء 1-1-2020 كان اخر اختبار لي وتخرجت !

(غلطت وتألمت وتعلمت وتغيرت وتبدلت) .. بحكي لكم شوي عن هذي الرحلة : https://t.co/gM76BiSA7h

انتقالي ودراستي بالخرج بعد تجربتي الأولى بجامعة الملك سعود غيّر نمط حياتي وتفكيري بشكل كامل البدايات كانت سيئة بشكل محد يتصوره ولكن الصبر والتعب كانوا أحنّ رسالة علي علموني أن الأمور تسير من لدُن لطيفٍ خبير https://t.co/tULcoiSKE8

سهر الليالي أنك تقوم من عزّ نومك .. التعب النفسي والجهد البدني اللقاءات والطلعات والفُرص الي تركتها عشان الدراسة المواقف الغريبة الي مالها تفسير كلها الحين هانت وخلتني فخور بنفسي وجدًا .

كلمة للطلاب والطالبات :

حالوا تكتشفون أنفسكم وشغفكم من بدري طبيعي تتخبطون وتضيعون بس تأكدوا أنكم يوم بتوصلون

وإنك تدرس بتخصص ما كانت رغبتك فيه موب نهاية الدنيا واذا ربي سكر عليك باب ألتفت حولك بتحصله فتح لك عشرين باب

كلمة للدكاترة :

أنتم بمكان عظيم أغبط كل دكتور حبوه الطلاب لأنهم راح يفهمون منه كل شيء يقوله ويعتبرونه قدوة لهم دائمًا ومارح ينسونه من دعائهم طول العمر وهذا هو الفوز والنجاح الحقيقي .