بتكلم عن كيف نحفت ٣٨ كيلو خلال ٦ شهور فقط، و بدون ما ادخل النادي ولا اسوي ادنى رياضة، و كانت امتع رحلة نزول وزن في الحياة و مستمرة للآن.
انا انسان من يوم اعرف نفسي وانا اسوي رجيم، و دايما افشل. و لكن الآن، تعلمت انه الرجيم اذا ما كان ممتع، ففيه شيء غلط صاير.
اولا:
الموضوع سهل، عشان تنحف، لازم تاكل و تشرب سعرات اقل من احتياجك اليومي. على سبيل المثال: احتياجك اليومي هو ٢٠٠٠ سعرة. يبدأ وزنك ينقص اذا اكلت و شربت اقل من ٢٠٠٠ سعرة يوميا. و وزنك بيكون ثابت اذا اكلت و شربت ٢٠٠٠ سعرة يوميا، و وزنك بيزيد اذا اكلت و شربت اكثر من ٢٠٠٠ سعرة.
كيف تعرف احتياجك اليومي؟ هذا رابط تحط فيه معلوماتك يقدّر احتياجك اليومي و تمشي عليه، بناء على نشاطك اليومي.
https://t.co/g5WOWgIvrl
بمعنى، ممكن الشخص ينحف و هو ياكل شوكولاتة فقط، و ممكن شخص يسمن و هو ياكل خضروات فقط، كله يعتمد على عدد السعرات المستهلكة.
كيف تحرص انك تبقى على السعرات اللي قررت تمشي عليها؟
اول خطوة انك تعرف سبب سمنتك.
انا مثلا: كنت اشرب ٦ ببسي كل يوم. و كل واحد ١٥٠ سعرة، يعني انا اشرب يوميا ٩٠٠ سعرة، فقط من الببسي. طيب كيف الغي ال٩٠٠ سعرة هذي؟ بكل بساطة، صرت اشرب ببسي دايت. كذا انا وفرت على جسمي دهون كثيرة.
فأبحث عن سبب سمنتك، و حاول تصلحه.
بشكل عام، الطبخ في المنزل بيخليك تستهلك اقل بكثير من ناحية فلوس، سعرات، اكل انظف، كل شيء. اذا ما فيك حيل، يمديك انك تشترك مع شركات يسوون لك ٣ وجبات كل يوم، بحيث ان كل اللي عليك تسويه هو انك تاكل، و تدفع. و مع الوقت، بتنحف غصب عنك.
