1- ثريد عن كيف وصلت لحمة سودانية عبر سودانير لمسقط؟

بقلم محمد محمود

في أول العام الماضي، بدينا مشروع صغير هنا في مسقط، وكانت واحدة من أهداف المشروع إننا نسّوق خارج السودان لمنتج سوداني ويدر عُملة صعبة للبلد، لأنو السودان في حاجة ماسة للتصدير أكثر من الإستيراد اللي أنهك البلد + https://t.co/Kr3Hf9erei

2- كنا عاوزين نغير من المشاريع المستهلكة بتاعة تركب تسافر وتجيب توكيل من بره وتجي تبيع في السودان، كأنها مشاريع تجار شنطة على أكبر شوية

كنا مُصِرّين نغير من فكرة أي مغترب حِسه التجاري كله يشحن آكسنت ولا توسان للسودان ويقصم بيها ظهر كادح هناك!

قررنا نشتغل في اللحوم السودانية +

3- ولما ينتظر السودان من وعود في مجال الثروة الحيوانية وقيمتها المضافة

والقرار كان نستورد من السودان لحوم مبردة، عشان نساهم في رفع القيمة المضافة؛ وأنا ما ضد تصدير الحي طالما المذبوح مآخد نصيبه كله ولأنو الحي زي ما شرح هادي ودالبورت قبل كده مطلوب بالذات في الخليج لأسباب كتيرة +

4- وبدينا في فبراير ٢٠١٩، وبالتجربة تعلمنا كثير جدا وخسرنا مبالغ ليست قليلة

اليوم بقينا تجار لحمة ونفهم تفاصيل لا بأس بها، وينتظرنا المزيد إن شاءالله

سمينا المشروع: القصاب للحوم السودانية

بعد توقف حركة الطيران بسبب COVID-19 كان لابد أن نجد حلول للشحن +

5- وتوفقنا بتسيير طائرات شحن خاصة؛ بدينا بطيران السلام وبعدها تاركو، إلى أن تعاقدنا والغالية جدا سودانير في تسيير رحلة أمس ١٠ مايو

رحلة سودانير كانت تحدي شخصي بالنسبة لي؛ لأنو في كم شخص عزيزين علي نصحوني أبعد من سودانير وديل (مواسير)؛ لكن كنا واثقين من رغبتهم وإلتزامهم +