لما تيجي تذاكر في الطب لازم تحرص ان عشان تحقق اقصي استفادة لابد انك تشتغل ب ٣ محاور رئيسية وتنتقيهم حلو ويفضل لو كلهم اجنبي
١-كورس فيديوهات كبير متكامل فيه المادة كلها بكل مواضيعها
٢-كتاب او تكست بوك محترم تقرا منه بعد الفيديوز
٣-بنك اسئلة محترم بيفسر ويحلل ويشرح اسباب الاجابات
طبعا مقولتش المحاضر كمحور لان في مصر مفيش حد بيعرف يشرح ويوصل معلومة فانت هتعتمد عالاجانب في الفيديوز والكورسات لكن لو في جامعة اجنبي فالمحاضر بديل افشخ مليون مرة عن فيديوز اي كورس عالنت
لو روحت نقيت فيديوز عاليوتيوب .. فاكس ... عمرها مبتدي نفس فعالية الكورسات الكاملة اللي بتبقي بفلوس اساسا ومتسربة ... لان فيديوز اليوتيوب معمولة تشرح موضوع وسط المادة في ربع ساعة .. فهي مش بتبني معاك من الصفر وتفهمك اساسيات ومش معمولة لده ولا مترتبة في التشانلز بترتيب منطقي
الكتاب الاجنبي وانت بتختاره لازم تنقي اللي في مستواك المطلوب زي lecture notes or reviews زي ما كنت مرة شرحت في ثريد فكرة وعملية تقسيم الكتب الاجنبي كلها وازاي تنقي اللي يناسبك منهم ويبقي مفيد ومش بيضيع وقت وبيخلص بسهولة وفي الجون بفعالية جبارة
بنوك الاسئلة عندك ملايين البنوك اي حاجة اشتغل منها فل يعني .. بكده انت بتتعلم بكذا محور وطريقة ... بتسمع وتشوف المعلومة ثم بتقراها ثم بتطبق وتحل عليها .. ده التعليم الجيد فعلا
