ثريد: حكاية الحدود البحرية باختصار كيف بلشت وشو صار؟ (الصورة مهمة وتوضيحية للحكي يلي تحت)

بال٢٠٠٧ كان في ترسيم حدود بحرية مع قبرص وانحط نقط للحدود معها ولكن قابلة للتعديل كرمال زوايا الخط مش كاملة (كرمال ما صار ترسيم مع العدو ومع سوريا بعد) ١/١٠ https://t.co/YaHulHhqib

لبنان بما ان عم بفاوض عدو معتدي ومغتصب وناهب، كان قادر بوقتها يحط اقصى نقطة برجح انو هي الو وبعدين يصير يتراجع ليوصل للنقطة يلي بدو ياها (مثل خبرية التاجر يلي بس بدو يفاوض ببلش بأغلى شي لعدين بنزّل)، بس لبنان ما عمل هيك، ٢/١٠

قام هلأ الاسرائيلي ماخد اقصى نقطة الو وببلش منها التفاوض هي النقطة يلي حطها لبنان بال ٢٠٠٧وهي النقطة رقم (١) بالصورة

بال٢٠٠٨ انعملت لجنة وزارية وطلع معها خط رقم ٢٣ يعني زادت حدودنا البحرية عن ٢٠٠٧ حوالي ٨٦٠ كلم مربع

بال٢٠١٠ تبلغت الامم المتحدة بالحدود المبدئية يلي هي خط ٢٣.

٣/١٠

بلّش النزاع على ال٨٦٠ كلم.

بال٢٠١١ طلبت الحكومة من مكتب بريطاني هيكوغرافي يعمل دراسة ويحدد حدود لبنان البحرية بالظبط.

١٧ آب ٢٠١١ عملو الدراسة وطلع معهم انو خط ٢٣ في عيوب تقنية وقانونية كثيرة، بيلغيه وبيقترح خطّين.

٤/١٠

طلبت الشركة البريطانية المختصّة عدم احتساب الجزر الواقعة بما انو صغيرة (بناءً على القانون الدولي). فاقترح المكتب خط جديد بزيد على الخط ٢٣ بـ ١٤٣٠ كلم مربّع وأُطلق عليه اسم خط ٢٩.

يعني بزيد عن النقطة الاولى يلي حطيناها بال٢٠٠٧، ٢٢٩٠ كلم مربّع.

٥/١٠