لو رحت لبيراميدز عرضت عليهم معسكر فى الهند هايسألنى شوية اسألة قبل مايوقع

* مين الفرق اللى هالاعبها

* الاقامة شكلها ايه

* الطيران شكله ايه

* المقابل المادى كام

* هاتسوق اسمى فى الهند ازاى

* هاتبيع منتجات اسم النادى هناك ازاى

ويسمع منى وبعدين يشوف غيرى وعروضه ويقيم ويختار الاعلى https://t.co/uMLoH5ssdf

ويبقى فى تنافس منى كشركة ومن غيرى على تنظيم معسكر بيراميدز لانه اسم كبير وفريقه نجوم معروفين بالاسم

* لكن لما اروح لبيراميدز واقوله وقع معايا بس انت وهاتشوف احلى شغل هاجيبلك فرق تحفة وفيها نجوم وهاتاخد مبلغ مالى وان شاء الله خير !!

ده اسمه نصب وعبث بأسم نادى كبير ?

خاصة لو انا كشركة اتعاملت مع بيراميدز قبل كده وجبتلهم مدرب وبعدين هربته وبعدين رجعته وارجع اعرض عليهم عرض هلامى زى كده ده اسمه ايه بقى ؟!

اقولك انا .. ده اسمه ادينى اسمك ابيع بيه واعمل شو فى الهند واسوق لشركتى انا معايا بيراميدز يا جماعة انا شركة كبيرة .

و لما يبقى موعد المعسكر ده متعارض مع بطولة محلية قيمتها " 2 مليون دولار تقريبا " اكبر من المبلغ العبيط المعروض على بيراميدز من شركتى ووقع بيه وهو مبلغ 600 الف دولار وبالتالى هايضطر بيراميدز يلعب البطولة الاغلى بالناشئين لان شركتى واخدة الفريق الكبير الهند بتبيع بيه .. يبقى عبث !

* اخيرا لو حصل اتفاق مع بيراميدز من قواعد التسويق كبراند ولرفع القيمة التسويقية لبيراميدز لازم انا كشركة اترك للنادى حرية تحديد وقت الاعلان وطريقته ومكانه لان ده نادى عريق ليه قناه ومتحدث اعلامى وحسابات موثقة مش انزل بيان بأسم شركتى قبل الكيان

اللهم بلغت .. اللهم فأشهد ✋ https://t.co/bRT4kEwNGF