ح نسولف بهالthread ع الـliver cirrhosis او بالعربي تشمع الكبد

حتى اثبت معلوماتي لان صايره انسى بسرعه وحتى انطيكم معلومات ويايه?

ح يكون الthread طويل شويه ف تحملوا ?

وشويه مصطلحاتي بالعربي مو قويه ف عذروني اذا اكو غلط او تقصير بالتعبير

والشرح ح يكون بسيط نوعاً ما حتى الكل يقراه

اول شي تشمع الكبد يعتبر silent disease يعني ممكن يبدي قبل ١٠-١٥-٢٠ سنه والتطور مالته كلش بطيء وميحس المريض الا وانو صار عنده تليف او كانسر

ف ببساطة نكدر نعرفه ع انو هو تحول خلية الكبد من شكل طبيعي الى عقدة شكلها مو طبيعي وبالنهاية خلية الكبد تتبدل بنسيج يكون fibrous يعني (متليف)

يعني بين قوسين خلية الكبد تتدمر وتموت ، شويه شويه يوم عن يوم تبدي الوظائف تخرب لان يوميه عندي خلايا تموت والوضع السريري للكبد يتعب لحد منوصل لمرحلة فشل الكبد (liver failure)

اني بالحالة الطبيعية يجي عندي الدم من الوريد البابي (portal vein) ويدخل بالكبد وبالكبد ح تصير عندي عملية تصفية او تنظيف لهذا الدم من بعض المواد السامة ف بحالة تشمع الكبد من راح يجي هذا الدم بهذا الوريد راح يلگه كدامه مقاومه وشي يمنعه من الدخول براحته لان الخلايا عندي متليفة

ف اللي راح يصير راح يرتفع عندي ضغط الدم بهذا الوريد ويسبب ارتفاع ضغط الدم ببقية الاورده الموجوده بالجسم مثلاً بالمريء او بالمعدة الخ.. ف الدم راح يعبر بهالحالة بدون ميتنظف! وبدون ما الكبد يسوي وظيفته

وهاي الحالة اسمها portal vein HTN

ارتفاع ضغط الدم بالوريد البابي