(1)

بسبب كثير من المعتمرين يجهلون طريقة اداء #العمرة عن طريق #اعتمرنا خصوصا اللي ما بيحجز فندق ويحتاج ايقاف سيارته بمكان امن ولا مخالف ، بسرد تجربتي لاداء العمرة وتخص للي حجز بنقطة #اجياد وباقي النقاط بصفه عامه  (كلامي ايضا ينطبق على #الشبيكة #الغزة ولكن الموقف اقرب لنقطة اجياد)

(2)

اذا نقطتك اجياد فانصحك توقف في هالموقف بكدي ( انسخ الاحداثيات بجوجل 21.388874,39.825881 ) لان نقطة فرز الحاجزين من كدي تكون في الجهة المقابله فلما توقف في هالاحداثيات تعطيك راحه انك ما تختلط مع اصحاب نقطة كدي وكمان توفر سيارات التاكسي اذا متوجه لاجياد وقرب دورات المياه

(3)

مجرد تدخل الموقف بتشوف سيارات التاكسي قدامك واول ما توقف اصلا راح تلاقي سيارات التاكسي تجيك لسيارتك تعرض عليك التوصيل وهنا انت تتفق معه عالسعر

( الاسعار من ١٠ الى ٣٠ وصراحه ٣٠ اشوف مبالغ فيه لان المشوار اصلا حقه ١٠ ولكن اذا حاب تعطي اكثر شي راجع لك)

(4)

بعد ما تركب التاكسي راح ياخذ من ٦ الى ٨ دقايق وتوصل لنقطة اجياد ومدخل الفرز بالضبط مقابل فندق مكارم اجياد مكة وراح تاخذ دقيقه بالكثير على بال ما يشيكون على تصريحك ثم تمشي بالمسار المؤدي لباب الملك عبدالعزيز ( المسار بالضبط من تحت برج الساعه)

(5)

من بعد التأكد من تصريحك ومجرد تمشي باتجاه الحرم راح تاخذ بالكثير ١٠ دقايق وانت عند الكعبةباذن الله، الا اذا صار طابور انتظار للفوج اللي انت فيه

(عند الدخول للحرم راح تجد اكياس تضع فيه الاحذيه ونصيحه خلها معك بالكيس لين تخلص الطواف ثم اذا حبيت اتركها بالسعي لين اخر شوط وخذها)