#ثريد
قد حسيت ان امورك في الحياه تتعقد ؟
حسيت ان في ارزاق حولك بس مايوصلك شي منها ؟
حسيت انك تسوي أشياء بحياتك بس ماتقدر تكملها ودايما توقف بالنص او ماتكتمل للنهايه ؟
طيب وش رايك لو شرحت لك واحد من اهم اسباب تعطيل الارزاق والتوفيق بحياتك والي يمكن انت مو منتبه له
بداية الثريد يهمني انك تقراه كامل عشان تستفيد ولو تدعمني برتويت او لايك ترا هذا شي يسعدني ويشجعني للإستمرار بالمحتوى ?❤️
طيب نرجع لموضوعنا ✅
في هناك شي اسمه التعطيل طيب ايش هو التعطيل ؟?
التعطيل بكل بساطه هو انك انت اصلا تكون طول حياتك وانت تعطل أشياء للاخرين سواء بوعي او بدون وعي وهذا الشي ينعكس تلقائيا عليك وتتعطل لك مصالح وأمور ترغبها فالله تعالى عادل ويجازي بالمثل ووضع هذا الكون وفق قوانين عادلة جدا ومنطقية
يعني انت مثلا متزوج وزوجتك جاها وظيفه وانت منعتها بحجة انو ( ماعندنا حريم يتوظفون ) حتى لو ماصارحتها ان هذا هو سببك الحقيقي وحاولت تلاقي اسباب ثانيه
فانت كذا منعت عنها رزق كان ممكن يتيسر لها فليش تستغرب لو منع عنك انت في المقابل رزق مقابل هذا التعطيل الي انت سويته?
لو شفت شخص يمدح شخص اخر وتدخلت انت وحاولت تقلل من الشخص الاخر فانت حاولت تخرب عليه شعور الاطراء فلا تستغرب ان في المقابل راح تلاقي ناس تستفزك وتخرب عليك لحظات جميله بحياتك
