اكثر تعليق على اللايف الأخير كان على فرق جودة الصورة، و طبعا فرق سرعة و استقرار الإنترنت عامل مهم جدا، و ان كان مش العامل الوحيد، و علشان الأمانة خليني أقول شوية تفاصيل زيادة ممكن تنفع اي حد بيحاول يعمل streams مشابهة، لان السؤال ده أتكرر كثير. ? https://t.co/tYbiMhZTge

جودة الاتصال مش بس سرعة إنترنت او bandwidth لكن برضه انت متصل ازاي؟ يعني في الحالة بتاعتي أنا دايما بستخدم Wired Connection يعني مش بعتمد على ال WiFi خالص حتى لو انت شايف ان الشبكة عندك ممتازة، لكن لان عملية ال streaming حساسة جدا لجودة الإنترنت، ممكن تضيع منك تفاصيل و توقع فريمات بسبب ال WiFi, فحاول دايما تبقى واصل wired ethernet 1 Gpbs

اكثر من نصف جودة الصورة بييجي من الإضاءة، و افضل اضاءة بتبقى بتستخدم أسلوب Three Points Lighting Setup، و اللي بيستخدم ٣ مصادر للضوء من زوايا مختلفة.

فيه تفاصيل برضه في درجة الإضاءة و ضبطتها مع الكاميرا بتختلف من كاميرا للتانية. https://t.co/gpgI4Nzcml

النصف الثاني من جودة الصورة بييجي من الكاميرا، و ده جزء منه الكاميرا نفسها و ال sensor بتاعها و عن خبرة في ال streaming اكثر من عشر سنين اقدر أقولك ان مهما كانت ال web cam اللي عندك قوية و ممتازة و غالية، عمرها ما حتوصل في أداءها لجودة كاميرا DSLR مثلا، و حتى لو الكاميرا قديمة، حتفضل جودتها اعلى، أنا شخصيا بستخدم كاميرا عمرها اكثر من ٥ سنين، و جودتها اعلى بمراحل من اي كاميرا ويب.

حتحتاج قطعة زيادة زي CamLink علشان تقدر توصل الكاميرا في الجهاز بتاعك و تستخدمها ككاميرا ويب.

نصيحة جانبية، دور على كاميرا تكون بتطلع Clean HDMI output، علشان ما تظهرش اعدادت الكاميرا في الصورة، و برضه تكون مفيش ليها time limit او بتعمل sleep بعد مدة معينة.

الجزء التأني هو العدسات و هو جزء مهم جدا، و في رايي عدسات زي 24mm f/2.8 حتبقى ممتازة، و حتديلك depth effect محترم، بس أنا شخصيا بستخدم عدسة اكبر و هي Sigma 18-35mm F1.8 و دي طبعا overkill بس أنا بحب الصورة بتاعتها اكثر. https://t.co/hihc2TaX23