#ثريد
#ذهب #بورصة #أموال #ادخار #استثمار
الذهب إلى أين؟
سؤال عم بنسال عنه من وقت طويل من المقربين.. اجمالا للتبسيط مع انه الامر مش بسيط..
في 4 مكونات لسعر الذهب الحالي.. ازمة مضيق باب المندب.. ازمة اوكرانيا.. ازمة كورونا.. قيمة الدولار مقابل سلة العملات DXY https://t.co/qAJdD6Ze49
بالتالي انخفاض التوتر او حل ازمات اوكرانيا وباب المندب راح تكون صفعات عنيفة لسعر الذهب،
وراح تدخلنا لدائرة سعر الدولار وما بعد كورونا، في المقابل احنا اقتربنا من بداية دورة انخفاض الدولار مع تخفيض الفائدة واللي معناها ارتفاع سعر الذهب لكن هاي الدورة راح تاخد سنتين الى ثلاثة مليانة شد وجذب مع استراتيجية الفيدرالي الامريكي القائمة على الدولار القوي بالتالي مش مشكلة
نقطة مهمة.. التضخم العالمي اضاف 30-50% على معدلات اسعار السلع والخدمات في العالم وما في نية عالمية لاعادة الاوضاع الى ما قبل التضخم لانه هالحكي راح يلزمه كساد عالمي او حرب عالمية وهاي الخيارات مش مطروحة
السؤال المهم هون شو السعر العادل للذهب اللي ممكن اشتري فيه؟
الاجابة مرتبطة بالتضخم فعليا، بحكم ما النا سلطة على الازمات العالمية واحنا مرهونين بانتهاءها
