" اشياء لازم يعرفها اللوتراب" ??

◼️ خطاب الفوز :

من المعروف انو التقديم للوتري يتم في شهر 10 من كل سنة وتظهر النتيجة في شهر 5 من كل سنة طيب لمن اعرف النتيجة الحيظهر لي شنو لو فزت؟؟ https://t.co/oNUws5GTn3

خطاب الفوز هو الصفحة او الخطاب البيظهر ليك عند فوزك في قرعة الهجرة العشوائية لامريكا ???

الصفحة دي بكون مكتوب فيها كلام كتير وشكلها مميز لدرجة انو انت كلوترابي قديم ممكن تتعرف عليها وهي في تلفون من بعد مترين عنك ???

يُزين أعلى الصفحة شعار وزارة الخارجية الامريكية باللون

الازرق المميز..

ثم يليه بعض التفاصيل عنك من اسمك وعنوانك..

واخيرا يبدأ الخطاب الموجه لك بــ "عزيزي فلان الفلاني لقد تم اختيارك عشوائيا في برنامج الهجرة العشوائية المتنوعة الى امريكا في السنة المالية كذا كذا..."?

ويبدأ المركز يحدثك عن الخطوة التي تلي الفوز، وانو اختيارك لا يعني بالضرورة حصولك على التأشيرة لانو عدد الناس التم اختيارهم اكثر من عدد التأشيرات المفروض يتم اصدارها،ايضا حيوروك طريقة التواصل مع المركز حتكون كيف.

اخيرا حتلقى في اخر الخطاب رقم ودة كدا تاني رقم مفروض تحفظو في خطوات سفرك الى امريكا،

اول رقم، وريناك ليهو في البوست الفات متذكرو؟

الرقم دة اسمه الكيس نمبر'case number ' او رقم الحالة وحنتكلم ليكم عنه بالتفصيل في بوست منفصل.