لماذا فشلت ورش دمياط للاثاث ؟
دراسة الجدوى تناست اهم عامل فى المشروع وهو العامل البشرى ? فللنجارين طقوس خاصة بالعمل والعيشة سواء عندة معرض او ورشة فهو يعمل تقريبا طول اليوم من الصباح حتى المساء واحتياجاتة اثناء الشغل من سن ادوات او الحاجة لخدمات اخرين حسب طبيعة الشغل بمصر ....
تخلية طالع من عند CNC داخل على بتاع القشرة ومن القشرة على الاسطورجى وطول النهار رايح جاى من الموان لاسباب عديدة واثناء ذلك عاوز يطلع يتغدى فى بيتة ويريح ساعتين وينزل يكمل لغاية مايسهل ربنا ، طبيعة الصنعة بمصر غير الخليج الى اقتبسها راح عامل شوية هناجر بحتة مقطوعة ????
دول مش عزاب هنود هايسكنو فى ظهر الورشة ، مصر طبيعة العمل فيها لها طبع خاص بشكل معين ، كنت عملت ورشة ١٥٠ متر وفوقها شقه واحدة فى شكل حرف U ومحلات بقى تملا المربع بقالة وخضرى ..الخ هاتلاقى خلال ٣٠ يوم المكان بقى خلية نحل ، وخلية ايجار لاتمليك لان الى يفشل ويقفل يسلم محلة لغيرة
لكن انت هوا انت بغباوتة نسيت اهم شىء فى المنظومة يعنى بنيت وهات مكن وشطب وهات خشب بالعبيط لكن من غير ناس تشتغل كل دة مالوش لازمة لانك بتفكر بدون خبرة وبدون سؤال الناس حتى ..... جننتونا
كمان صنعة النجارة بمصر غير الخليج او اوروبا التى تعتمد غالبا نظام الورشة الشاملة من اول قطع لوح الخشب لغاية تغليفة وتسليمة دة محتاج راس مال كبير وخبرة كبيرة لتفادى الخسارة السريعه لكن النجارين بمصر هاتلاقى القشرجى بورشة لوحدة والكورسجى لوحدة والاويمجى ورشة والمكبس ورشة
