ملخص اول يوم لي كمعلمة :
حلو بالبداية جلسوني على الارض لقيت قدامي قهوة قالت وحده من المعلمات لخويتها قهويها قالت هذي قهوة الخميس مابعد درست بكرة بنبدأ ويبدأ توزيع الجداول ما فطرونا ولا قهوة ولا شاهي الا يوم السواق وصل الا وحده جايبه لنا شاهي نعناع لهطني واحرق فمي ولاشربته
-انتهى
ملخص ثاني يوم لي كمعلمة :
حلو الطالبات يهبلون ودي اصير صديقتهم بحاول اندمج معهم بس بحدود الادارة ياساتر يالطيبة وربي على كثر السب الي يجي هذي المدرسة الا اني شفت العكس !! كانت الامور تمام الين جاتني وحده قالت انتي غزول غزول كذا حاف قلت لا قالت الا انتي وترى خالاتي يسلمون عليك
ملخص ثالث يوم لي كمعلمة :
ماداومت
ملخص رابع يوم لي كمعلمة :
بدرس اول متوسط فقط كانوا يقولون امسكي ٣ متوسط وشلت هم لانهم في أوج مراهقتهم وشلت هم كيف اضبطهم لكن بفضل الله جيت عند مبزرة والاسبوع الجاي ببدأ ادرسهم فقه منهج سهل مو الفقه الي حملته بالجامعة اللهم نعوذ بك من علمٍ لاينفع وقلب لايخشع
٣ متوسط عارفين اني جونقز وهذا اكبر عقاب دنيوي ممكن اواجهه اذا درستهم لكن الحمدالله نجوت هذه المره بحاول قد مقدر اصير غامضة
