1- لو سألت مين أطيب ناس في مصر غالبا محدش حايختلف على أهل #أسوان.

عيب أسوان بالنسبة لي انها غالية. ودا لأن كتير من الأماكن عشان توصلها حتدفع كتير في المواصلات و خصوصا لو حتاخد مركب فسحة في النيل. عشان كدا نصيحتي تسافر أسوان مع مجموعة عشان السعر يتقسم بينكم. ?‍??‍??‍??‍??‍??‍??‍??‍??‍? https://t.co/x1nv0qMVi3

2- #أسوان يعني نيل. انا ممكن أحب أعيش في مركب في نيل أسوان أتفرج على صخور الجرانيت وأشوف الزرع والطيور المهاجرة وأسمع صوتهم مع صوت المياه.

وانت في النيل، حاتشوف من بعيد استراحة الكينج وبيت الأغاخان (مش مفتوح للزيارة).

ممكن تروح جزيرة النباتات تمتع عينيك بالطبيعة وتسترخي في هدؤها. https://t.co/p3rWahtmI8

3- من أهم معالم #أسوان هي مقابر النبلاء. حاتطلع سلالم كتير قوي عشان تشوفها بس ممكن تطلع بالجمل لو حبيت. لو صحيتك تسمح أنصحك تطلع لفوق كمان (البس جزمة كاوتش) -ممكن تطلع بجمل أو حصان- و تزور قبة الهوا لانك هناك حاتشوف أسوان و النيل كله من فوق والحقيقة المنظر لا يوصف من شدة جماله?. https://t.co/GNzvgG6yIK

4- بعد المقابر، روح دير الأنبا هيدرا (برضه البر الغربي)، الدير تقريبا من القرن السادس وحايديك تصور عن حياة الرهبان في الوقت دا. حاتمشي مسافة عشان توصل بس ممكن تركب حمار أو جمل. #أسوان.

معلومة ماكنتش أعرفها ان مش بس أبو سمبل اتنقل مع اغراق السد و لكن أغلب أثار أسوان منقولة. https://t.co/frW7IjTwcl

5- ما ينفعش تخبط مشوار ل #أسوان و ما تروحش أبو سمبل و الي باعتبره من أحلى معابد مصر. المشوار لهناك حوالي 3 ساعات رايح و حوالي 3 راجع لو انتوا مجموعة كبيرة حاولوا تاخدوا عربية تتقسم عليكم و لو مش حاينفع يبقى خد ميكروباص من الموقف بس اتأكد من المواعيد، لأنها عموما بدري. https://t.co/Rq3t7yeak5