رابع أو خامس مرة أسمع الرئيس السيسى يتحدث عن حلم أنه يستبدل 2 مليون رأس ماشية محلية عند صغار الفلاحين بأبقار محسنة وراثيا.. النهار ده قال بالنص أن البقرة المحلية بتنتج 7 - 8 كجم لبن فى اليوم والعجل بيزيد وزنه 700 جم فى اليوم، وبنفس الاكل والشرب ونفس طريقة التغذية ممكن ?

بالحيوانات المحسنة المستوردة يجيب 40 كجم لبن و كيلو ونصف زيادة وزن فى العجول.. وعاوز مصر الخير والجمعيات الأهلية الأخرى تجيب البقر وتدى بقرة أو بقرتين للفلاح بدلا من دعمه باكل ولحمة، يكسب ألوف ويصرف على نفسه بشغله. ونبقى زودنا إنتاج لبن ولحم فى البلد?

المشكلة ان مافيش ولا حد اتجرأ وقال له لا يا ريس التحسين الوراثى ما ينفعش يزيد إنتاج اللبن أو الوزن الحى بنفس الأكل والشرب وطريقة التربية بتاعة البقر المحلى، وأن حلمه غير قابل للتحقيق علميا وعمليا..

البقرة المستوردة ب 50 ألف جنيه وعجل التسمين المستورد ب 20 ألف جنيه ?

ولها احتياجات غذائية عالية ورعاية صحية خاصة وتوفير ظروف مناخية فى الحظائر، ومحتاجة تتلقح صناعيا بسائل منوى مستورد وغالى من نفس السلالة، وحساسة للأمراض لازم تتحصن بلقاحات مستوردة.. والبقرة بتاكل ب 140-150 جنيه فى اليوم علشان تنتج 40 كجم فى ظروف تربية غير متوفرة عند الفلاح الصغير?

وأن الفلاح لو أكلها نفس علف البقرة المحلية مش هتنتج وكمان هتموت.. ونبقى خسرنا البقر المستورد والبقر المحلى كمان.

الرئيس أيضا قال انه لما اتكلم مع الوزير فى الموضوع الوزير قال طب هنودى اللبن فين؟ وعلشان كدة قررنا نعمل مصنع لبن مجفف علشان سعر اللبن لا ينخفض، ودى الغلطة الثانية?