طيب علشان ناس كتير عاوزه تسافر اوروبا، بس الاغلبيه مش عارفه انك ممكن تيجي دراسه او عارفه بس حابه تيجي بعقد، فانا هكتب هنا مميزات انك تيجي دراسه، تحديدا في المانيا:

1- الفرص: فرصه انك تشتغل بعد او خلال الدراسه اعلي بكتير من لو بتقدم علي نفس الشغل من وانت فمصر.

يتبع

2- الاقامه: بعد الدراسه انت بتاخد اقامه سنه ونص كامله تفضل قاعد فالبلد، اسمها اقامه بحث عن عمل، وبردو فرصتك افضل انك فالبلد انك تلاقي شغل عن من لو هتيجي من مصر، هما بيحبوا اللي اوريدي هنا.

3- الدراسه مجاني: اقصي سمستر بيكون ب 300 يورو، بالتالي انت يعتبر بتتعلم ببلاش بجانب مميزات الطالب زي المواصلات مجاني ومن مكتبه الكليه ليك كمبيوتر وتقدر تاخد لابتوب وتشتغل منه والاسعار فالجامعه ارخص من برا فكل حاجه متوفره.

4- بعد الدراسه: كونك اخدت شهاده من المانيا وخصوصا ماسترز دا هيخليك تشتغل بسالري افضل في دول تانيه زي الخليج ولو كملت واخدت جنسيه نفس الكلام.

5- الدراسه نفسها: بالرغم ان الشغل العملي طبعا مهم بس فالدراسه انت هتتعرض لادوات وطريقه تفكير وفرص مش هتلاقيها فالشركات، فهتتخرج بشكل عام فاهم كويس جدا.

وافضل شئ انك تكون اشتغلت فمصر فمجالك سنة او اتنين.