إلى طلاب السادسة يلي راجعين من بكرا عالمشافي، الوقاية الشخصية فيك تختصرها بكمامة فقط الجراحية ممتازة ومانك بحاجة N95 إلا بالاسعاف والعزل.

ما في داعي للغاون أكيد أكيد وبتكفي مريولتك سكرها عالآخر وجيب كيس نظيف معك بتحطها فيه مع السماعة قبل ما ترجعا على شنتايتك.

خلي معك معقم أيدي كحولي بتستخدمه بشكل متكرر بما انو غسيل اليدين غير متوفر بشكل دائم برا البيت.

موبايلك حاول ما تلمسه نهائياً جوا المشفى وفيك تحط عليه من البلاستيك تبع تغليف الأكل كطبقة عازلة بتكبها بعدين (واحكي سبيكر ما تحط الموبايل على وجهك اذا مو مضطر).

حافظ على عدم السلام بالأيدي (استخدم سلام المرفق او القدم).

لا تدخل على غرف المرضى قبل ما تسأل أطباء الدراسات بالشعبة عنهن.

لا تلمس الأسطح (مع أنها عم تتعقم يومياً) ولا ترتكي عليها.

حاول انتبه لكل مكان بتلمسه، ولا تلبس كفوف الا عند فحص المريض لأنك إذا لبست كل النهار انت بتكون عم تنشر عدوى أكثر والكف رح يكون ملوث ورح يمنعك من تعقيم الأيدي المتكرر.

ما تشلح مريولك إلا بعد ما تطلع برا المشفى عالآخر ولبسها قبل ما تفوت ما في داعي تغسلها كل يوم.

انتبه لغراضك وشنتايتك وين بتحطهن (إذا مو مضطر لا تحملها أحسن).

حاول تفصل كل شي بتلمسه بالمشفى عن يلي بتلمسه بالبيت.

وآخر نصيحة هي:

Take it easy but be aware and careful...