إبراهيم نصر بيحكي وبيقول كنت قاعد مستني #أحمد_زكي في مكان ما بسيط كده بشرب شاي .. جه في ميعاده ولقيته بيقولي: معلشي هروح أستلم جايزتي عن فيلم ( أنا لاأكذب ولكني أتجمل) في السريع كده وارجع بسرعة خليك قاعد، كان بيقولها بعدم اهتمام وكإنه مجرد مشوار مفروض عليه،

يتبع? https://t.co/86S0Gys3RD

مش واحد رايح يتكرم !!

نصر بيقول : احمد زكي راح وجه متأخرش، كان راجع بتاكسي ومطلع إيده من التاكسي وعمال يقولي الجايزة اهي .. وكأنه بيقولي هي دي بقى البتاعة اللي الكل بيجري عليها .. هو مكنش بيهمه الجوايز خااالص.. لدرجة إنه نسي شهادة التقدير في التاكسي والسواق فضل يقوله يتبع ?

يا أستاذ، نسيت الورقة !!

المهم .. قالي أنا جعان، تعالى أنا عازمك على كباب وكفتة .. ولأنه كان راجل بسيط جدا، رحنا لمحل كده هو كان بيحبه، كانت قعدته على الرصيف .. بدأ يتحطلنا الأكل .. وعلى ريحة الأكل إتجمعت كلاب الشارع كله .. كلب ورا كلب ورا كلب .. أول ما صاحب المحل

يتبع ?

شاف المنظر جري ناحية الكلاب ومسك كلب فيهم، وقعد يضرب فيه برجله .. أحمد زكي قام وشاله عن الكلب وزعقله وقاله : إنت بتضربه ليه .. جعان يا أخي ؟ ذنبه إيه ؟! .. هو فاهم ايه الكلب دا غير انه جاع وشم ريحة أكل فجه عليها ؟. الدور والباقي ع اللي فاهم وعامل عقله بعقل اللي حيوان يتبع ?

إرحم يا أخي وجربوع وراح قايله خش هاتله كيلو كباب وكفتة واعمله هنا على الرصيف سرفيس كامل، وشوكة وسكينة وسلطات وكل حاجة كإنك بتنزل لزبون

ابراهيم نصر بيقول وفعلا الراجل دخل وجاب الكباب والكفتة .. وفرش للكلب على الأرض الحكايه طويله لكن الغرض منها فرق بين فنان حقيقي ورمضان