#شوية_جد
البعض يعتقد ان فيديوهات او توك شو في برامج تبث من الخارج كفيله بتحريك ثوره شعبيه ... احب اقول لكم ده كلام اخره تويتر و واحد فيكم قاعد بيخبط على الكي بورد
تعالوا نبص حوالينا هل في اي تكتل مدني قادر على قيادة ثوره ؟ هل متبقي اي رموز او نخبه من اي اتجاه لم يتم تشويهها/١
#شويه_جد
هل فعلا انتم منتظرين من الشعب ثوره علشان يشيلوه ده نمط من انماط الانكار التام ان الشعب ده معندوش ثقه نهائي في ايا كان من النخبه الكارتونيه اللي الجميع مدرك ان ازاحة نظام او الثوره عليه مش بتمثل للنخبه دي غير سبوبه بيتمولوا بيها من الدول اللي شايفه لهم مصلحه هنا /٢
#شوية_جد
طب نسيبنا من النخبه المدنيه هل انتم فعلا مقتنعين ان الشعب ده عنده بلاهه و بيصدق كل برامج الكذب اللا ارادي عند ابواق النظام ؟ يعني انتم بجد فاكرين الشعب اهبل ؟ طب احب افاجئكم ان الشعب و ببساطه بقى عامل زي الكلب اللولو قاعد تحت رجل الترابيزه بيقش كل اللي بيقع من اكل/٣
#شويه_جد
البلد بحالها على بعضها اتحولت لسبوبه
موظفين اتعودوا على الرشوه دلوقتي بقت فعل طبيعي جداً اتاوات في الشارع لسايس او بتاع مرور بقت حدث يومي مؤكد طالما نزلت الشارع ... ارتفاع في الاسعار بقى بسرعة التنفس ... من الاخر كل اللي ايده بتطول حاجة بيأخدها و يستمتع بالنهب/٤
#شوية_جد
الاغلبيه الشعبيه اللي بقى عليها تسدد فواتير كهرباء وميه و غاز و غيره من تكاليف الحياه الناس اللي معندهاش وقت تفتح تويتر ...اه الناس دي ادركوا بفطرتهم انهم بيعيشوا ازهى عصورالتهليب في مصر و قرر اغلبهم الدخول في منظومة التهليب بس بنمط الكلب اللولو كل فتفرته هتقع هيلقطها/٥
