ثريد عن ترتيب رحلة لالبانيا علشان اللى طلبوه منى.
يومين فى تيرانا
يوم فى gjirokaster
٤ ايام فى ساراندا
*تيرانا العاصمة فيها خروجات حلوة، بحيرة كبيرة حواليها كافيهات ومطاعم، من أحلى اماكن الاكل مكان اسمه Pepper ومكان اسمه mullixhiu. فيها شوبنج بس عادى مش مبهر
Gjirokaster مدينة على بعد ١٥٠ كيلو تقريبا من تيرانا وفى نص الطريق لسراندا. عاملة زى ما تكون طالعة من فيلم ايطالى قديم. جميلة جدا، فيها قلعة ودى من اهم معالمها، شوارعها صغيرة ومليانة محلات بتبيع سوفونيرز حلوة اوى.. طلوع القلعة محتاج صحة.. سلاااااالم
سارندا الساحل بتاعهم... فى ممشى طوييييل بعرض الكورنيش كله.. البلد كلها بتنزل تتمشى فيه باليل.. فى فنانين فى الشارع، مطاعم، مراكب، حاجات كتير تتعمل.. بس احلى بحر حتى اسمها Ksamil بعيد حوالى ١٠ دقايق من سراندا.. Jericho cocktail bar & Orange حلوين اوى باليل
فى اوتيل فى تيرانا لذيذ اوى ومش غالى.. فى حدود $50 فى الليلة للاوضة (مش الفرد).. موقعه هايل و نضيف جدا.. فى ساراندا انا كنت قاعدة فى اوتيل اسمه Bougainville Bay غالى جدا واكتشفت انه ماكانش مستاهل فرق الفلوس.. اى اوتيل على الممشى هيبقى تمام.. ولو فى Ksamil فى اوتيل اسمه Bianco
الأسعار معقولة اوى... على سبيل المثال البيبسى فى مكان ب ٣٥-٤٠ جنيه، الويسكي ب ١٥٠، غدا كويس اوى ٢٥٠-٣٠٠ جنيه. فى العموم مش غالية خالص.. ارشح ان لو ٢-٣ مسافرين سوا يأجروا عربية.. تأجير العربية بالبنزين على الاسبوع كله هيبقى حوالى $٥٠٠ تتقسم عليهم كلهم..
