موضوعنا اليوم عن الجمال ? شلون تكون اكثر جمال وتنميه بداخلك وتخليه يظهر في الشكل ، ممكن هذا الموضوع يجذب اكثر نساء كونهم اكثر اهتمام بهذا الموضوع بس.. ممكن للرجال ياخذون كذا نقطة و يفهمون المغزى بشكل عام..

طبعا مابنتكلم عن ( ميك اب ) ( رياضة ) ( اهتمام بالبشرة ) ( اكل ) ( شمس وماء ) الخ ، هذي الاشياء بديهية ? بنتكلم عن نوع اخر من الجمال ، شيء هذي الامور ماتقدر تعطيك اياها ??‍♂️?? نبدء على بركة الله :

مهم نعرف اولاً ان اساس طاقة الجمال هو ( الوعي ) بمعنى كلما كنت اكثر وعياً كلما هذي الطاقة اتت من خلالك وظهرت بشكل اوضح.. لكن.. الهدف من الموضوع استخدام الوعي لتكثيف الجمال.. شلون؟

١/ شاهد نفسك اكثر ، شفت شلون اذا انت تكون منعجب في شخص شلون تسرح فيه ؟ كثف لحظات رؤيتك للوجه ، لا تستغرب انك فعلا ما تشوف نفسك كثير، غالب اليوم نطالع اشخاص وما نطالع انفسنا..

خصص على الاقل ٥ دقايق كل يوم صبح وليل، بس طالع نفسك اكثر واكثر وانعجب في نفسك وفي ملامحك، كن واعي للوجه

٢/ راقب الاحكام السلبية اللي تطلع لما تشوف نفسك مثل : خشمي كبير ، راسي عود ، وجهي مستطيل ، ايا كانت التعليقات كن واعي لها . ولاتصدقها.. اؤمن بجمالك ، شنو الجميل فيك؟ ليش اشخاص يحبون يطالعونك؟.. اذا انت ماتطالع وما تنعجب بنفسك شلون تتوقع الخارج يعكس هالشي ؟