عملت الخرسانات المسلحه ف مبني سفارة كوريا من سنتين كان عقد صعب و اضطرينا حرفيا نحزم بطونا عشان نعمل الشغل و مكسبناش اصلا لكن مخسرناش…. النهارده جاتلي مكالمه مباشره بدون متطلبات مناقصه عشان اعمل نفس الشغل ف المبني الجديد ل سفاره افغانستان…. السمعه asset ! انا مبسوط!

انا مبسوط ب شكل كبير ل وعي اكتر ب تفاصيل رخمه يعرفها ولاد الصنعه بس. لاني خدت شغل ابويا لابعد حدود من اسقف و عمدان و كمر ف ضواحي بنهــا ل شبهه تخصص ف منطقة ال خرسانات مقاومه ل القصف ف مانهاتن… فعلا و فضل من الله ان تجد له ب الاجتهاد سبيلا !

دي صور الحديد ال ١٣ لينيه علي اربع طبقات الساقط بس. البيم كانت بتاخد تسع رجاله ل تلات ايام و لازم تتعمل برا و تتسقط ب الونش ف مكانها. محدش بيعرف يطلع مبني ف وسط مانهات الا ناس قليله عشان ترسانه القوانين!!! و خاصه اني بعيد دقيقتين عن مبني الامم المتحده و المربع كله امن! https://t.co/hf3sBUMbMA

ف الاساسات كنا بنتعامل ب الشوكه و السكينه عشان نسند الجوانب ب الخوازيق قبل الحفر و عملنا حوائط ب عمق ١٢ متر تقريبا ل احتواء مسرح و قاعه احتفالات ف المساحه دي. قعدنا تحت الارض ٨ شهور لحد ما عملنا ال سقف https://t.co/WU27RGLzA5

يمكن لو ابويا معملش حاجة ف حياتي الا انه رماني مع الصنايعيه من صغري و علمني نجارة المسلح ف دي حاجة يشكر ليها طول عمره…. بسببها وقفت هنا! و الباقي تاريخ https://t.co/OgPPa8QnjT