مساء الخير، من كام يوم كده شوفت الكلام ده من شخص هنا وهو مشجع لبرشلونة لكنه واحد من اكتر الناس اللي كلامها محترم وعقلاني بعيدًا عن اي حاجه بنشوفها من مشجعينهم. https://t.co/WkbjOFLpac
فا البوست بصراحه لفت نظري ومش هخبي عليكم انا بشوف كتير النوعية دي من البوستات ومش بعلّق دماغي بيها لأني ببقى عارف فكر اللي منزلها ومش هوجع دماغي معاه يعني والكلام ده معايا بقاله حوالي 3 سنين ودي يمكن المره الاولى من 3 سنين اضطريت اني ارد.
فا هناخد جزء جزء من البوست مع اللينكات اللي حطها في الكومنتات ونوضح حقيقة الكلام ده.
أقرأ الكلام اللي في الصورة قبل اي حاجة علشان تفهم هتكلم عن ايه. https://t.co/qIweWmay1d
قبل اي حاجه، كل واحد بيحب يشوف الحاجه بالمنظور الخاص بيه واللي يدعم كلامه حتى لو الموضوع او القضيه اللي بيتكلم فيها مش مكتمله او ليها اطراف ممكن تخلي كلامه غلط فا هو مش هيدور عليها لأنه اكتفى باللي يثبت كلامه ومش محتاج اكتر من كده .
1- خليني ابدأ بصفقة فيجو وهرجع للجزء اللي في اول البوست في الأخر.
- فيغو في مقابلة صحفيه قال: "عشت خمس سنوات رائعة جداً مع برشلونة، من الناحية الإنسانية و الناحية الرياضية. بعدها جاء الرئيس غاسبارت للرئاسة الذي لم أثق به إطلاقاً" https://t.co/Sw7apmqDwf
