أسوء شيء بيمر به لاعب كرة القدم المبهر، هو مقياس إبهاره نفسه عند شريحة كبيرة من الناس، مفيش أسوء من إنك تكون مدهش في أمور مش بيتم ذكرها والناس تقول إنك مدهش وعبقري لأمور أقل من اللي أنت مدهش وعبقري بسببها فعلًا،

ثريد عن لوكا اللي هيحاولوا نسيانه، لدرجة إنهم مش هينسوه أبدًا... https://t.co/wWDYfM1D1a

الكلام ده حصل لكل لاعبي كرة القدم المبهرين بدون إستثناء وأكترهم ميسي واللي بكده بيقللوا من اللي بيقدمه، اللي لحد دلوقتي الناس بتتكلم عن بطولاته والـ7 بالون دور وأرقام أهدافه وأسيستاته، رغم إن كل ده مهم لكنه مش إستثنائي علشان كل ده، هو ميسي لأمور أخرى أكتر إستثنائية وتعقيد وصعوبة. https://t.co/Z4eUxlYp4D

شوف مودريتش المبهر، عنده 36 سنة وبيعمل كل ده!'

دي أسوء جملة شوفتها لمدح مودريتش ومعيار أفضليته في خط الوسط رغم إن المُراد منها في صالح مودريتش؛ محاولة خلق معيار مش أكثر أهمية من اللي بيقدمه مودريتش في الملعب لشرح وإثبات أفضليته رغم إنه معيار مهم برده هو تقليل من مودريتش اللاعب، https://t.co/lqew7uRf2d

إنه 36 سنة وبيقدم اللي بيقدمه ده شيء عظيم، لكنه أفضل لاعب وسط في العالم علشان اللي بيقدمه مش علشان هو لسه بيقدم اللي بيقدمه في السن ده، ده وضع مودريتش في خانة 'الكبير سنا'، لأن حتى لو مودريتش عنده 26 سنة برده هو أفضل لاعب وسط وبفارق كبير عن أي حد علشان اللي بيقدمه مش علشان عمره. https://t.co/4gGvQ2lLFF

الكلام ده أنت ممكن تفتكره بسيط، وإنه العادي هي سطحية الشريحة الكبرى من الناس في الكورة ومش الكل محللين طالما النيّة هي التعبير عن أفضلية مودريتش، لكن هو مش كده فعلًا، الكلام ده تسبب في فكرة ذهنية عنه بالنسبة للكل حتى أكبر الإداريين في الكورة عالميًا؛