كيف جبت درجة 8.5 في امتحان الايلتس؟

اول حاجة عايزة اوضحها هي، ما تستعجل و تمتحن لو انت ما محتاج ليهو قريب. لو لسه في زمن، اشتغل على اساسيات اللغة و الgrammar اول عشان لمن يجي الوقت حق الامتحان ما حيكون في وقت كتير شديد

تحسين اللغة عموما ممكن نتكلم عنه في يوم تاني في انستقرام

اول حاجة مفروض تعملها هي انك تفهم طريقة الامتحان. كل جزء من الامتحان فيهو كم سؤال و الاسئلة بتجي كيف و كدا.

ممكن تستعمل موقع IELTS Jacky بتوريك كل الاجزاء بالتفصيل

تاني حاجة تفهم كيف الطريقة حقت التصحيح بتتم

عموما هم بيستعملو ٤ حاجات, vocabulary, grammar, coherence and task response

(و دي حاشرحها ليكم في يوم تاني و على الاغلب فيديو على انستقرام).

و برضو قناة E2 IELTS في يوتيوب عندهم فيديو بيشرح طريقة التصحيح حق الwriting

المرحلة الجاية هي انه تشوف الreading and listening. برضو سريع تعرف الامتحان بيجي كيف و الحاجات دي من IELTS jacky او Ielts advantage

بعد داك تحل امتحان واحد تجريبي عشان تعرف مستواك وين. على حسب الدرجات دي حتعرف تقراهم قدر شنو و حتعرف مشكلتك في ياتو نوع من الاسئلة

الامتحانات متوفرة كلها في تلقرام على الرابطين ديل:

https://t.co/P4Ruxvy2zL

https://t.co/Rs32rtqH79