99% من البيتكلمو عن زواج القاصرات ما فاهمين ابعاد القضية كلها و ما فاهمين سبب منع زواج القاصرات و ال 1% عارف لكن بيخدم في اجندة .. و بيخلق قضية ياكل بيها عيش .
اولاً سن ممارسة الجنس شيئ و سن الزواج شيئ تاني تماماً و فهم الحاجتين ديل مهم جداً حتى قبل التفكير في القضية .. في العالم اللي حدد سن للزواج حددو سن لممارسة الجنس بالتراضي .. و التحديد دا جاء بعد مشاورات مع اطباء و نفسيين و قانونيين و بالنظر لكل الابعاد في القضية .
ببساطة اذا تم تطبيق القانون الفرنسي في السودان .. ييكون بإمكان شاب في ال 25 ان يمارس الجنس مع فتاة عمرها 15 عاماً .. و 16 اذا طبقنا القانون الالماني و 14 في الاسباني .. لازم تفهمو النقطة دي قبل الخوض في تفاصيل سن الزواج لانو الاتنين مرتبطات ببعض و لا يمكن فصلهم عن العُرف المحلي -
في العرف المحلي لمجتمعنا الجنس قبل الزواج ممنوع ،لذلك اسقاط سن الزواج السائد في القوانيين الاوربية على السودان يعتبر خطأ،و دا ما بيعني اني قاعد احدد سن اقل من كدا للزواج لكن يجب ان تقرر لجان طبية ونفسية و قانونية سن الزواج مع وضع الدين و العرف الذي يحرم الجنس قبل الزواج بالاعتبار
مثلا اذا انت / انتي فيمنست و منفتح فمفروض ما يكون عندك مشكلة مع انو بت عمرها 15 سنة انها تمارس الجنس مع زول عمرة 26 اذا كان الامر بالتراضي ، فالامر دا قانوناً و طبياً و نفسياً ممكن و متاح في كل الدول اللي بتعبرا مصدر الهام و قدوة ليك .. عشان الناس تكون متسقة و كدا .
