? "وداعا للديون مع القول المضمون"
? سلسلة تغريدات راح نشرح فيها الموضوع من الالف الى الياء بشكل سؤال وجواب بطريقه مبسطه ولغة عاميه
? في النهايه اي سؤال منكم ما جاوبته راح انسخه واجاوب عليه في نفس السلسله
? حط لايك عشان يكون لك مرجع اي وقت وسوي رت عشان الفايده تعم الجميع
?شفيك يا خوي مكدر كانك نصراوي بعد ما اخذ الهلال اسيا ؟ والله يا بعدي مالي في الكوره لكن القروض ذبحتني ومافي الا اتسلف منا ومنا والراتب ما يجمل ابد
?افا ليه ذا كله وش مسوي في دينتك؟ والله مافي شي مسويه ما غير قرض مطلعه عشان تزوجت وقسطت الموتر وبنك التسليف ومتسلف 20 الف
?وانت ليه كذا تزنق عمرك بذا كله ياخي امر الله سعه ولا؟ ادري والله بس اللازم في اللازم وانا بدون قرض ودين مقدر امسك الريال تقل بزر مودينه ملاهي
?لا تشيل هم دواك عندي وانا ابو هندي بس الوضع يبيله التزام وصملة ترامبيه تقدر عليها؟ يابن الحلال عطنا العلم وامنعنا من الردا
?طيب شف باعطيك هي خطوه خطوه بالتفصيل وانت دوزنها على وضعك استبينا ؟ دن دن يا شنب
?اجل زهب البراد وجب ورقه وقلم وسجل معي بس اهم شي حبقكم مديني ؟ خلاص يا مسلم قد درينا انك من عوال المدينه وما تشرب الا هو
?بسم بالله ابتدينا ... معي؟ ايه ايه الهمام يا حزمي الضامي
1️⃣ سجل كل ديونك وقروضك وبالتفصيل الممل واكتب قدام كل مبلغ وشوه له وليش انحديت عليه ولو رجع بك الزمن كان خذيته او لا
2️⃣ سجل كل التزاماتك المادية وفصلها بين كمالي واساسي وحاول تحصر الاساسي في نطاق ضيق جدا حدها على الاكل والشرب والسكن والكهرباء والمويه والجوال والبنزين وبس
