صباح الخير

نتكلم في المهم بخصوص The Irishman

أكيد مش هاعلق على سكورسيزي يعني وإخراجه وأنا جنبه إيه مثلا

خلونا نتفق الأول إن الفيلم هيترشح لأوسكار في فئات الإخراج والتمثيل ممثل رئيسي ومساعد

والمونتاج والمكساج والتصوير واللي ممكن أو تقريبا بنسبة ٩٥% هيفوز بها هى فئة أفضل فيلم https://t.co/JRcuHkhPDp

خلونا ننفق إن الفيلم ده مش لأي حد ولا أي حد هيحبه ولا هيفهمه ولا هيعتبره أيقوني

خلونا ننفق إننا مش محتاجين نتكلم عن التصوير لأنه مذهل في كل لقطات close up وسكورسيزي أستاذ كمان one takes الطويلة والمتابعات وcuts الكتيرة

مش محتاجين نقول إن بصمات سكورسيزي واضحة ومطبوعة على أداء

بيشي وآل باتشينو ودي نيرو وكل الفيلم

دي كلها مسلمات .. بديهيات .. حقائق سكورسيزية

خلونا ندخل في الأهم الفيلم ده (قُبلة) من سكورسيزي لينا ..لتاريخ أمريكا في حقبة العصابات والمافيا الإيطالية

الفيلم ده تكليل لرحلة سكورسيزي في صناعة وخلق استايل أفلام العصابات اللي بدأه من السبعينات

مع دي نيرو وبيشي وباتشينو ومكمل مع ديكابريو ومات ديمون وغيرهم

الفيلم ده رغم طوله عبقريته في السرد قائم على فكرة flashbacks اللي جواها flashbacks تانية من وجهة نظر القاتل المأجور الإيرلندي الأمريكي فرانك شيران

منظوره لعالم العصابات والمافيا

التنقل من حقبة زمنية للتانية في رحلة

الإيرلندي ده من مجرد جندي سابق وسائق شاحنة نقل لأمهر قاتل مأجور في حقبة الستينات والسبعينات

عظمة سكورسيزي كانت في نقلاته بين الفترات الزمنية بتاريخ أمريكا وتاريخ الإيرلندي . الفيلم ده أشبه بفيلم تسجيلي مع كل حقبة بينقلك بالمزيكا وبالألوان والملابس والديكور ومفردات اللغة والحوارات