هل عمرك مشيت فى طريق و حسيت أنه مش مناسب بس قررت تكمل كده كده لأنك بذلت مجهود فيه و مستخسر ترجع؟
? مقالة قد تغير تفكيرك ?
فى ظاهرة تعرف فى علم النفس ب "مغالطة التكلفة الغارقة Sunk cost fallacy" ... خلينى الأول أحكيلك عن كام تجربة علمية اتعملت على الموضوع ده:
?? 1/ https://t.co/kyGr33IsUm
- فى التجربة الأولى الباحثين دعوا مجموعتين من الأفراد لمنتدى كتاب Book club و خلوا المنتدى ده ممل جدا ... المجموعة الأولى دخلت المنتدى من غير ما يعملوا أى حاجة ... انما المجموعة التانية عشان يدخلوا كان لازم يملوا استبيانات و يعدوا اختبارات.
2/
النتيجة أن المجموعة الأولى لما لقوا المنتدى ممل بعضهم قام فى النص و مشى و لما اتطلب منهم يقيموا استفادتهم منه أدوها تقييم سيئ ... انما الناس اللى دخلت المنتدى بعد مجهود استحملوا للأخر و لما اتطلب منهم تقييمه قالوا أنهم استفادوا منه.
3/
- فى تجربة تانية الباحثين عملوا مزاد و لكن عشان تخش المزاد ده لازم تدفع مبلغ (هنسميه تأمين المزاد بلغة الحاج عبدالغفور البرعى) ... بس خلوا الناس تدفع مبالغ مختلفة ... النتيجة أنهم لقوا أن الناس اللى دفعت أكتر عشان تخش فضلوا مكملين فى المزاد لفترة أطول و اشتروا أكتر.
4/
فى تجربة تالتة الباحثين طلبوا من ناس يتخيلوا أنهم حجزوا رحلتين بالغلط فى نفس الميعاد واحدة لويسكنسون ب50 دولار و التانية لميتشجان ب100 دولار و لازم يلغوا واحدة و قالولهم أنهم هيستمتعوا فى ويسكنسون اكتر .. بس برده أغلب الناس فضلت تلغى الرحلة الأرخص لويسكنسون و يخلوا الأغلى.
5/
