الأشهر الماضية جتني عدة مشاكل صحية متتالية وفي مناطق مختلفة من الجسم وعالجت معظمها ولله الحمد. اغلبها للأسف تشترك بنفس المسببات: الاكل الغير صحي، وعدم ممارسة الرياضة، وقلة النوم، وزيادة الضغط النفسي.

فحبيت اشارك ابرز اللي تعلمته هالفتره، لعلها تساعد في تجنبكم نفس المشاكل..

طبعا دايم نسمع عن اهمية الأشياء اللي ذكرتها والالتزام فيها، واللي يخلينا عادة نتساهل فيها انه نمط حياتنا مبني على عادات سيئة اساسا سواء في الاكلات اللي نحبها ونفرط فيها، او السهر اللي نمارسه للمتعة، وغيره. ونتهاون من مبدأ "الموت مع الجماعه رحمه"، لين تنقرص وتضطر تصحح وضعك غصب.

1️⃣ زيادة الوزن قد تؤدي الى عواقب مهما كانت زيادتك قليلة في نظرك. ما تحتاج تصير مفرط السمنة عشان تبدا تحس بالمشاكل الصحية، مجرد زيادتك عن وزنك المثالي ١٠ او ٢٠ كيلو ممكن تجيب فيك العيد تدريجياً بالعظام او غيره بدون ما تحس، حتى لو كنت تعتقد انك طبيعي وشكلك لطيف في اللبس.

2️⃣النوم الجيد مهم جداً جداً جداً. وما اتكلم عن ال١٢ ساعه اللي تنامها فجأه في الويكند على اساس تعوض. اذا ما نمت نوم ليل (١٢-١ بالكثير) ولمدة ٧-٨ ساعات فادائك نفسيا وذهنيا وجسديا بيكون اقل في اليوم التالي، ومافيه كمية قهوة وسكر بتقدر توصلك لافضل حاله لك مهما اوهمت نفسك بهالشي.

3️⃣ اهمية الرياضة والحركة لا تعني انك تصير فجأه شخص رياضي يقعد بالنادي ساعتين باليوم. الالتزام بشي خفيف مثل مشي ٣٠ دقيقه يومياً بيكون ممتاز كبداية، والأهم انك ما تتسمر قدام المكتب لساعات طويله بدون اي حركه. تحتاج توقف وتحرك جسمك بانتظام ولا بيضعف جسمك وبتبدا تطلع مشاكل في كل مكان.