بما اننا دخلنا ف الشتا حتكلم شوية ف الثريد ده عن أحكام المسح على الشراب في الوضوء، كلام اغلبنا عارفه بس حبيت اقوله من باب "وذكر فإن الذكرى تنفع المؤمنين"

اول حاجة شروط المسح على الشراب

١- لازم الشراب نفسه يبقى طاهر

٢- لازم تبقى لابس الشراب على طهارة، يعني تتوضى او تكون متوضي وتلبسه

٣- ان يكون المسح في الوقت المحدد وده حنتكلم عنه ف تويت لوحده

٤- ان يكون الشراب ساتر لموضع الغسل، يعني بيغطي القدمين لحد الكعبين، والنقطة دي مهمة جدا لان كتير من الشرابات المنتشرة حاليا قصيرة ومش بتغطي الكعبين بشكل كامل فدي لا يجوز المسح عليها https://t.co/nra4nBTQax

٥- ان الشراب ميبقاش شفاف، والحقيقة ده محل خلاف بس قول اغلب العلماء انه مينفعش يبقى شفاف

٦- أن يكونا ثابتين على القدمين بحيث لا يسقطان عند المشي، بمعنى انك تقدر تمشي بيهم عادي

بالنسبة الشراب المقطوع هل يجوز المسح عليه؟

لو كان القطع فوق الكعبين (يعني مش ف محل الفرض) فيجوز المسح عليه عادي

اما لو كان القطع في محل الفرض ده بقى عليه خلاف، فالحنابلة والشافعية قالوا لا يجوز المسح على الشراب المقطوع ابدا، اما المالكية والحنفية أجازوا المسح لو كان القطع يسيرا