شكرا موقع الوسيلة نيوز

مقالى بالعامية

طريقة عمل اللجان "المشوية"

????

اللجان الإلكترونية سمعنا عنها كتير

لكن منعرفش طبيعة عملها ايه ولا بتتعمل ازاي ولا حتى وظيفتها إيه.

هى أداة من أدوات الحرب الملونة الحديثة،

-١تابع

https://t.co/x7ddSL0ydb

و زى ما احنا عارفين الحرب مبقتش بس فى الميدان ولا بالجيوش النظامية. الحروب بقى ليها ادوات وبتستهدف إحتلال الوعى قبل الارض والثروات. واللجان الإلكترونية بقت اداة خطيرة فى حرب المعلومات والإشاعات.

وظيفتها الإنتشارعلى شبكة الإنترنت وخصوصا مواقع التواصل الاجتماعى

-٢تابع

ساعات يسموها الذباب الإلكتروني كنوع من التحقير لكن التسمية فيها شيء من اوصافها وطريقة عملها.

فتح عينك وودانك يا محترم للى جاي عشان الطريقة سريعة ومليانة تركات وحركات واوعى اللجان تغفلك ومتنساش تقفل مناخيرك وهنقولك ليه واحنا بنكمل الوصفة.

-٣تابع

محتاج قبل ما نبتدى الوصفة يكون عندك جماعة او تنظيم عايز يسيطر على الرأي العام بشكل أفقى وفى وقت قياسي. وشرط من شروط المقادير: مكونات المحتوى المراد نشره تكون مفبركة ومغلوطة ويفضل استعمال مبادئ خالية من الأخلاق والمصداقية.

-٤تابع

قادة اللجان بيتلقو طبعا التعليمات من راس التنظيم وينزل الامر بالبث لللجان فى توقيت واحد

بيقوموا بتكوين عدد لامحدود من الحسابات الوهمية اللى بتوصل للآلاف احيانا وشغلة اللجان دى بتبقى مدفوعة الأجر وبتتحاسب بالبوست اوالتغريدة وكمان بتتقاول على عدد الجمهور المراد الوصول اليه.

-٥تابع