أذا قررت تبدأ مشوار خسارة الدهون

هنا بعض النصائح اللي أشوف أنها مهم جداً الشخص يعرفها قبل مايبدأ لانها بتساعده أنه يتفادى مشاكل كثير بالمستقبل وتوفر عليه وقت طويل! https://t.co/LbY8A1CH56

تقليل السعرات الحرارية عامل أساسي في خسارة الدهون، لكن اللي حاصل في بعض الأنظمة الغذائية من تقليل حاد في السعرات الحرارية لغرض النزول السريع هذا حيسبب مشاكل ويعمل التكيف الأيضي وزيادة الجوع وغالباً يرجع الشخص للوزن السابق او أعلى بعد التوقف.

وهذا مثبت في الدراسات العلمية!

دائماً نزل سعراتك بشكل تدريجي أبدا ب ٢٠٠-٣٠٠ سعرة وأعطي جسمك وقت وراقب التطور من خلال الميزان ،القياسات، والصور اذا مافي تحسن في خسارة الدهون تحتاج تنزل سعرات أكثر نزل ٢٠٠ سعرة أخرى وأرجع قيم الوضع . لاتنزل سعراتك دائما من الاكل فقط، ممكن تزيد نشاطك في الكارديو.

لاتتهور اذا مثلاً ماشفت نتيجة خلال أول ١٠ أيام و بالتالي تنزل السعرات بشكل قوي وحاد عشان تخسر دهون بشكل أسرع، أمشي بخطى ثابته وبشكل تدريجي وبأذن الله بتحصل أستجابة. الصبر مهم في هذه المرحله والاستعجال مابيوصلك لنتيجة مرضية

بتمر في مراحل تحتاج تطبق أستراتيجيات زي مثلاً تاخذ فترة توقف من الدايت لمدة أسبوع الى أسبوعين او تبدأ تدخل وجبة مفتوحة في الأسبوع او يوم عالي في الكاربوهيدرات هذي جداً مهمة لغرض زيادة معدل الحرق وتقليل الشعور بالجوع لكن أنتبه من اليوم المفتوح والخربطه كل شي لازم يكون محسوب!