ثريد...
-انت مستواك في الصلاة وصل وين؟!
= ايوه .. صاح البيصلو كلهم زي بعض .. لكن صلاتهم ما زي بعض ، في ٧ مستويات للصلاة .. وصفهم الأمام الغزالي ..
المستوي الأول .. مرحلة ( العِبء )
ما بس بتحس انو الصلاه تقيلة عليك .. لا انت بتلاقي كل الأسباب مُيسّرة انك تصليها ..
انا لسه حاتوضّى؟
طيب بعد الأكل..
طيب اخلص الفي ايدي .. ضيعت العصر !! حا ابدأ من بُكرة تاني ان شاء الله .. ألتزم بالصلاة أسبوع .. وتضيّع ١٠ بعدها بس بتجاهد عشان
ماتنقطع عن ربنا .. ومرة تنجح وكتير لأ ..
المستوي التاني .. ( المُراءاة )
بتواظب على الصلاة وراضي عن نفسك جداً .. لأ وكمان بتلوم الناس الما بتصلّي وبديت كمان تُظهر صلاتك للناس وكأنك بتُبرِء نفسك من تُهمة ترك الصلاة .. نفسك تقول للكون كُله انك خلاص ما بقيت تارك للصلاة ..
الغزالي بيتكلم عن خطر المرحلة دي وبيقول الشيطان
بيدخُليك من باب انك مُنافق ومُرائي وانك لازم تصلي لمن تكون مقتنع ومؤمن ومُخلص للصلاة وبس .. ورد الغزالي هنا .. صلِّ .. حتّى لو مُرائي عشان لو في جزء صغير فاسد في قلبك الصلاة تُصلِحُه .. وماينتصر عليك ويُكمل فساد باقي القلب بما تبقّى من ترك للصلاة
