اللقاح او التطعيم على ابواب ولا مفر الكل بياخذه?، ومن الطبيعي خوف الناس منه لأنه شيء جديد علينا ولابد من التساؤلات ?? ..

لذلك بدال ما نضحك على الشخص الي يشكك باللقاح، تعالوا معي بالثريد هذا خطوة بخطوة ?، نشرح الجهاز المناعي بشكل بسيط، وكيف اللقاح بيفيدنا وكيف يصنع اصلاً ؟ ? https://t.co/VZYomw2DiW

قبل لا نبدأ لاتنسون متابعة الحساب دائما اقدم هذا المحتوى الطبي ??‍⚕️ ..

الثريد بيكون بلغة تسهل على المتخصص وغير المتخصص بفهم الموضوع كاملاً خصوصاً ان نوع اللقاح مختلف تماماً عن اي لقاح سابق ??

بسم الله نبدأ :

اول شيء نعرفه ان المناعة عندنا تصنع جيشين لاستقبال أي مرض :

جيش قاتل Antibody ⚔️

جيش شغلته يتذكر memory cell ?

فاذا دخلت بكتيريا او فايروس جديد على جسمنا، عشان نصنع الجيش الاول ونخليه يهاجم البكتيريا بياخذ وقت ! ليش؟ عشان نسلح الجيش وننظمهم ونقولهم هذا هو الفايروس المقصود ?

فكم واحد يقرأ الحين يوم يجيه زكام، يلاحظ ما يبدأ عنده اعراض الشفاء الا بعد اليوم الثالث او الخامس من المرض ! ??

لان وقتها الجيش حقنا فقط قاعد يستعد وينظم نفسه ويخصص نفسه انه يقتل فايروس معين بالجسم، ليش؟ لانه لو ماكان دقيق هذا الجيش ممكن يقتل حتى خلايا جسمنا الطبيعية ?

ممتاز الحين جيشنا ( antibody ) جاهز للقتل وفعلاً بدأ يمسك الفايروس ويقتله، تدرون انه ياخذ فقط بضعت ايام للقتل؟

الفكرة الزمن كله يروح ع تكوين الجيش نفسه مو بالقتل ??‍♂️?

عشان كذا يوم تجيك زكمة انت بس تاخذ مُسكنات ، ماتاخذ شيء يساعد ع الشفاء لان الجيش كافي يحتاج صبر بس