شايف انت كل الهوجة اللي علي واتساب دي ؟ تيليجرام في البداية كان معمول علشان يصلح كل عيوب واتساب ويبقي حاجة غير ربحية والناس تبقي متطمنة وهي بتستخدمه وعلشان تحمل من عليه ريكوردات الجامعة وحلقات مسلسلات رمضان

لحد الان تيليجرام متسجل انه منظمة غير ربحية وتابع الثريد علشان اقولك ازاي https://t.co/Vpw1Jfnhfy

في البداية كدا تحب اعرفك عن مؤسسين تيليجرام وهما بافيل و نيكولاي دوروڤ

الاتنين دول هما اللي أسسوا موقع ڤكونتاكتي واللي معروف ب VK او فيسبوك روسيا وهو اشهر منصة تواصل اجتماعي في روسيا حاليا يعني ناس قديمة في المجال دا مش حاجة قليلة يعني https://t.co/XQbzAySsLT

نيكولاي هو الاخ الاكبر لباڤيل وما شاء الله عليه حاجة عبقرية في الرياضيات وواخد ميداليات في الرياضيات والبرمجة والتشفير وهو اللي عامل نظام التشفير بتاع تيليجرام وهو الاخ الاقل شهرة في الليلة دي لان زي ما احنا عارفين دايما الاخر الكبير مظلوم https://t.co/E2H7PZ3Rca

باڤيل بقي هو العقل المدبر لكل دا وهو اللي دماغه شغالة ومش بتنام ومشغل الشغل وحاجة تقيلة في مجال ريادة الاعمال مش قليل بردو يعني ويعتبر من اكتر الشباب نجاحا في اوروبا لانه عمل تيليجرام و VK وكل دا وعنده ٣٦ سنة https://t.co/hfKct2z7LU

بداية تيليجرام جت من فكرة وهي ان باڤيل كان في مشكلة وكان محتاج يبعت رسالة لاخوه وتكون رسالة مشفرة وماحدش من الحكومة الروسية يشوفها لانه كان بيجيله تهديدات بالقتل بسبب مشكلة هقولهالك دلوقتي