سمعت كثير بمصطلح مقاومة الانسولين، بس ماقدرت تستوعب المبدأ؟
حاتكلم في ثريد مبسط عن هذا الموضوع واشرحها في البداية بطريقة غير علمية تماماً عشان تكون عندك فكرة عنه ? والمرة الجاية ندخل في الثقيل ?
#اعرف_جسمك
احفظها عندك في المفضلة واقرأها على رواقة
يتبع١
مقاومة الانسولين مصطلح يستخدم لما تكون الخلايا رافضة دخول السكر (الجلوكوز) ورافضة تتعامل مع الانسولين
اعتبر الانسولين بوابة للخلية، عن طريقها يدخل السكر للخلية
ونخلي في بالنا ان للخلية طاقة استيعابية محددة بحسب حاجتها
اذا ما تحتاج طاقة، حترفض دخول السكر
يتبع٢
خلوني اشبهها بمركز تجاري او مطعم له اكثر من بوابة، طالما عدد الناس في الداخل مناسب غالباً كل البوابات تكون مفتوحة
بس لما يوصلوا للحد الاعلى من الاشخاص، لازم ينظموا الدخول من بوابة واحدة او بوابتين عشان يمنعوا التكدس
لما مجموعة تخرج، وقتها يسمحوا بدخول اللي في الانتظار
يتبع٣
هذا اللي بيصير للخلية، لما يكون السكر (الجلوكوز) مرتفع في الدم خارج الخلايا، وانت ما بتبذل مجهود يخلي الخلايا تحتاج للطاقة.. كدا حتكون اخذت الحد الاعلى اللي تحتاجه وبالتالي تقلل او تقفل البوابات (بوابات الانسولين) ويكون الجلوكوز غير قادر للدخول للخلية بكل اريحية
يتبع٤
كيف نعالجها؟
نرجع لمثالنا الاول،
كل مازاد طابور الانتظار خارج المركز التجاري او المطعم، واللي في الداخل ما بيخرجوا، حيكون فيه ضغط على المركز وممكن يقللوا عدد البوابات اكثر الين يوصلوا مرحلة يقفلوا كل البوابات، ويطلبوا من الناس تدور مكان ثاني..
قد صارت لك في الواقع؟ ?
يتبع٥
