في هذا الثريد بتكلم عن انواع شاشات القيمنق والفرق بينها عشان تقدر تحدد وش افضل خيار لك من بينها وتعرف اذا جيت تشتري شاشة وش المواصفات الي تبحث عنها https://t.co/nH26agU99V

قبل ما اشرح الشاشات بشرح مصطلحات بتفيدك تفهم وش الأشياء الي تبحث عنها في الشاشة اولا سرعة الاستجابة او Response time وهي سرعة تغير الشاشة من لون إلى ثاني بما معناه كل ما قلت سرعة الاستجابة كل ما كان أفضل عشان ما تشوف تشويش وفي الأغلب من 1 إلى 4 سرعة استجابة ما تلاحظها بعينك...

الا لو كنت تستخدم شاشة سرعة الاستجابة فيها 1 لمدة طويلة بعدين اخذت شاشة سرعتها أعلى والصوره توضح لك الفرق بين الشاشات ذات سرعة الاستجابة القليلة والعاليه علما بأنه كلما كان أقل كلما كان أفضل https://t.co/E7roQkuye8

ثاني مصطلح وهو Refresh rate او معدل التحديث : وهي معدل الصور الي تعرضها الشاشه في الثانيه الواحده يعني لو قلنا شاشة 60hz معناها ان الشاشه تعرض 60 صوره في الثانيه الواحده و الفرق بين شاشات الـ60hz الي 144hz كبير وملاحظ بس الفرق بين 144hz و 240hz غير ملاحظ وبوضحها قدام. https://t.co/wEMCpeEta5

Screen tearing هاذي شغله ممكن تصير عند كثير أشخاص ولا يدرون وش السبب ويطلع مثل التقطيع او خط في نص الشاشه وسيبها ان الكرت عليه ضغط او الكرت ما يقدر يلحق على سرعة الشاشه وهذا الي من الأسباب، وش الحل؟

-نزل اعدادات اللعبه اذا ما نفع سو الحل الثاني

-شغل الـ vsync في إعدادت اللعبه https://t.co/1umrGlmBVg