طيب خلّوني أتكلم بإرتجال شوية في كام تويتة كده عن موضوع رجوع ميسي،
مبدئيًا، ميسي لمسة، يعني ايه لمسة؟ يعني لاعيب بيعرف يعمل حاجة مش محتاجه إطار تخرّجها، مش محتاج تشافي يقوله خليك هنا عشان جافي هيجيلك هنا فتتحرك أنت هنا، لا،
هو عنده إرتجال، دي حاجة مش موجوده في برشلونة كله، https://t.co/CgpsuwdckJ
إشمعنا ده مفيد لبرشلونة؟ عشان أنت فريق مدربك بيحاول طول الوقت يخلق هيكل لعب يخفي عيوبك قبل ما يقوّي مميزاتك،
فكرة رباعي الوسط مثلًا، دي مفيش مدرب بيضطر يعملها غير اللي عارف إنه عنده ضعف في خط وسطه على الفردي هجوميًا ودفاعيًا، والضعف هنا بيخفيه،
أنت هنا محتاج لمسة،
ليه برده؟ عشان طول الوقت بتحاول تصنع هيكلة لعب عبارة عن أنماط، نفس الفكرة، أنت مش بتخلّي اللاعيبة ترتجل كتير بس بتخليهم كلهم يصنعوا أنماط لعب، فبتحس طول الوقت إن الموضوع صعب،
أنت هنا محتاج سلاسة، ليفا يكون حر أكتر ومش مضطر ينزل يلينك اللعب، رافينيا يروح بوشه، إلخ..
طيب والضغط العكسي؟ ليفا وميسي مع بعض؟
أي فريق ناجح، أي فريق مهما كان، مش هتلاقيه بيضغط عكسي أو يضغط عمومًا بعناصره الهجوميين، ريال مدريد مثلًا بيخلّي مودريتش أول لاعب بيطلع يضغط وبنزيما يسقط عشان ياخد هو قيادة التحول،
بايرن أول عناصره في النقطة دي.. جورتيسكا، دافيز، مولر،
أنت هنا عندك لاعيبة كتير تقدر تستبق الضغط مع ليفا اللي بيضغط كمان، رافينيا وجافي وواحد من الظهيرين،
كل الفرق بتضحي بإنها تنقل خط هجومها لقدام عشان عندها لاعب معين بالكورة في مخيلتهم مفيش زيه،
طيب لما اللاعب ده يكون ميسي؟
It's just stunning!
