1️⃣

ثريد عن خروج مانشستر سيتي

بيب وكعادته في آخر السنوات كل ما بيشعر بأهمية وحساسية الماتش لازم يغير شئ لمواجهة نقطة قوة في الخصم، حتى لو هو الطرف الأقوى، حتى لو ايقاف نقطة القوة ستؤدي لإضعافه في مزيج من الovercoaching و overthinking

عمل ايه النهاردة؟

2️⃣

لعب بثلاثي خلفي لغلق عمق الدفاع بلاعب اضافي لمواجهة تحولات ليون الهجومية من العمق، والمفارقة، اضطر للتغيير بعد التأخر في النتيجة، لا مش دي المفارقة، المفارقة ان الهدف الاول نتيجة كسر التسلل بتحرك غير منظم من خط الدفاع اللي هو قرر يغير فيه

3️⃣

بعد التأخر عاد ل٤-٣-٣ بشكلها الطبيعي اللي تحول بعدها شكل فريقه للافضل، نفس اللي حصل في ماتش مدريد واللي انا مش فاهم ليه اخترع في شوطه الاول اصلا زي ما قلت في لايف وقتها وزي ما اعترف هو بخطأه بعد المباراة، هل انتهت المفارقات؟ لا طبعًا

4️⃣

بعد عودته في النتيجة استقبل هدفين، منين الهدفين؟ من العمق اللي هو غامر بكل بشئ لغلقه

السؤال في مباراة مدريد وفي مباراة اليوم : هل كان يستحق الموضوع كل ده؟

بالتأكيد لأ، احيانًا بتحتاج تنقبل وجود نقطة قوة في الخصم مادام اغلاقها سيفسد خططك خصوصا لو كنت الطرف الاقوى

5️⃣

مين بيعمل كده؟

زيدان، زيدان اللي عنده ثغرة اشبه بالمغارة في جبهة مارسيلو راموس ونجح في وجودها يفوز ب٣ دوري ابطال ولم يغير فيها شئ للحفاظ على المنظومة المنسجمة المعتادة

هل انا بقارن بين زيدان وبيب؟

لأ، انا بوضح مثال لفكرة قبول مشكلة لو انت شايف ان حلها ممكن يخلق مشاكل اكبر